*DOQC GING SOU:
+ Singx Nzung 80:1-7
+ I^saa^yaa 11:10-13:22; Gaa^laa^tie 6:6-18
*IH HNOI NYEI GING SOU:
Mienh ndorpc njiec, maiv aengx jiez sin fai? Se gorngv maaih dauh mienh mingh dorngc jauv, ninh maiv daaux nqaang nzuonx fai? (Ye^le^mi 8:4)
Gong-zoh mbuo mbuox Ziouv, “Tov bun yie mbuo sienx gauh henv deix oc.”
(Lugaa 17:5)
*ZA’EIX TENGX DAUX GAUX:
Ziouv aac, dongh yangh jienv sienx fim nyei jauv mingh zanc-zanc maaih camv nyungc gong zoux bun yie ndorpc yaac zoux dorngc. Mv baac weic ceng ganh maih banh zeic caux ngaengc nyouh nyunz yaac lengc jeiv nyei se hnamv hnyouv ganh se zoux horpc maiv zoux dorngc nor yie maiv goiv yienc yaac maiv kangv dorngx jiex dorngx nyei mingh. Gauh mv benx jiex se dongh dingx laaih mv baac gorngv se ganh cong-mengh, mengh baeqc ndorc, maaih siang za’eix dongz gong zoux mv zuov mienh paaiv aqv nor yie maiv goiv hnyouv yaac maiv goiv yienc. Tov Ziouv zoux bun mienh zunh doz porv mengh yaac kuinx yie goiv hnyouv, tov Ziouv guangc zuiz.
Ziouv aac, zien nyei yiem ziangh maengc se maiv hnangv fai doix-dekc caux Ziouv njaaux nyei waac yiem Ging Sou. Yie nyei sienx fim bangc kaux Ging Sou nyei zien leiz. Weic hnangv naaic yie tov Ziouv bun yie sienx dingc, maiv mbungh mbienv taux Ziouv maaih jienv nyei, sienx taux nyungc-nyungc Ziouv njaaux nyei waac yiem Ging Sou se zien yaac maaih cong-mengh nyei. Tov bun yie zien hnyouv sienx dingc yiem Ziouv caux Ziouv nyei hatc lingc, yietc zungv bangc kaux Ziouv haih a’hneiv muangx jienv Ziouv nyei jauv caux Ziouv nyei za’eix. Laengz zingh Ziouv.