*DOQC GING SOU:
+ Singx Nzung 56:1-8; Yopv 36:27-37:24
+ 1 Ko^lin^to 9:12-27
*IH HNOI NYEI GING SOU:
Ninh nyei hungh lingc oix jaa camv, baengh orn nyei jauv yietc liuz maiv jomc.
(I^saa^yaa 9:7a)
Meih mbuo hiuv duqv ninh jiu bun I^saa^laa^en Mienh nyei doz, dongh meih kaux Yesu Giduc haih duqv baengh orn wuov nyungc kuv fienx. Yesu Giduc zoux maanc muotc nyei Ziouv. (Gong-Zoh 10:36)
*ZA’EIX TENGX DAUX GAUX:
Ziouv aac, se gorngv jiex gorn Kuv Fienx kungx liouh bun Ziouv nyei baeqc fingx hnangv, mv baac da’nqaang duqv zunh taux camv norm dorngx yiem gormx lungh ndiev. Weic hnangv naaic yie caux camv dauh mienh laengz duqv njoux en bun ganh nyei lingh wuonh, duqv ndutv Saadaan nyei hatc lingc, yaac duqv baengh orn mv zuqc weic maiv nzauh heix zuqc dingc zuiz taux manc gouv manc doic se weic duqv Ziouv jaa-ndaangc mbungh nqaev jienv yaac dorh jienv yie mingh. Laengz zingh Ziouv. Ziouv nyei hatc lingc caux Ziouv nyei baengh orn yaac camv jienv faaux yiem mienh nyei hnyouv dongh wuov zanc maaih camv mienh sienx Ziouv zipv Ziouv yietc hnoi camv deix. Dongh Ziouv mv gengh daaih nyei ziangh hoc, yie tov Ziouv tengx yie daamv hlo zunh Ziouv nyei baengh orn Kuv Fienx bun ganh dauh liouh laengz buonc di’dien jaa camv faaux deix Ziouv nyei hatc lingc caux Ziouv nyei baengh orn yiem naaiv baamh gen.