Hnub 4 – Hli 05

• 

• 

NYEEM VAJTSWV TXOJLUS:

+ Phau Ntawv Nkauj 59:1-9

+ Levis Kevcai 26:36–27:15; Malakaus 9:1-10

NQE VAJTSWV TXOJLUS HNUB NO:

Nimno nej yuav muaj noj muaj haus nplua mias thiab txaus nej siab. Nej yauv qhuas tus TSWV uas yog nej tus Vajtswv, tus uas ua tej haujlwm zoo heev pab nej. Kuv haivneeg yuav tsis raug luag txob thuam ntxiv lawm. (Yau -Ees 2:26)

Nws muab tsib lub ncuav thiab ob tug ntses los; nws ntsia qhovmuag saib rau saum ntuj thiab ua Vajtswv tsaug thiab muab cov ncuav ntais faib rau nws cov twhjtim nqa mus faib rau sawvdaws; nws muab ob tug ntses faib rau sawvdaws thiab. Txhua tus puavleej tau noj tsau huv tibsi. (Malakaus 6:41-42)

COV LUS THOV VAJTSWV:

Vajtswv, kuv ua koj tsaug vim koj pub rau kuv muaj noj muaj ris tsho hnav txhua hnub. Vajtswv thov koj pab rau cov neeg uas lawv tsis muaj kom lawv muaj tej yam uas lawv cheem tsum siv. Vajtswv thov koj qhia rau neeg paub hais tias txhua yam uas peb muaj puav leej yog koj pub rau peb cia peb ua Vajtswv tsaug, paub koj tej txiaj ntsig, hu nkauj qhuas koj, Vajtswv thov koj qhia peb ua neej txawj sib koom, ua neej qhia tshwm koj txojkev hlub. Ua Vajtswv tsaug.

Hnub 3 – Hli 05

• 

• 

NYEEM VAJTSWV TXOJLUS:

+ Phau Ntawv Nkauj 58

+ Levis Kevcai 26:1-35; Malakaus 8:22-38

NQE VAJTSWV TXOJLUS HNUB NO:

Tsis txhob foom tus neeg lagntseg lossis muab tej yam dabtsi mus cuab tus neeg digmuag kev kom nws dawm ntog. Nej yuav tsum paub ntshai nej tus Vajtswv. Kuv yog tus Tswv. (Levis Kevcai 19:14)

Nej yuav tsum muaj lub siab hlub ib yam li nej Leej Txiv tus uas muaj lub siab hlub. (Lukas 6:36)

COV LUS THOV VAJTSWV:

Vajtswv, koj Txojlus hnub no qhia rau kuv kom kuv yuav tsum saib taus, hlub cov neeg uas mus tsis taus kev. Tsis txhob saib tsis taus lawv, tsis ntxub ntxaug, tsis thuam lawv; thiab tsis txhob dag lawv luag lawv, tiamsis kuv kuv yuav tsum hlub lawv li Tus Tswv koj hlub kuv. Txawm tias, muaj neeg ntxhub kuv ua tej yam yuam kev rau kuv los kuv yuav tsis ua pauj rau lawv thiab yuav tsis cais lawv. Kuv yuav hlub lawv kom lawv pom lawv qhov kev txhaum kom lawv rov kho lawv qhov txhaum, yuav ua txhua yam qhia tshwm txojkev hlub rau lawv kuv yuav tsis yuav them nqi.tis saib lub sijhawm dhau los kuv tsis ua li koj qhia rau kuv. Thov koj zam txim rau kuv, kuv yuav txiav tsim siab ua neej hwm koj, nco ntsoov zaj kawm hnub no rau txhua hnub.

Hnub 2 – Hli 05

• 

• 

NYEEM VAJTSWV TXOJLUS:

+ Phau Ntawv Nkauj 57:7-11

+ Levis Kevcai 25:18-55; Malakaus 8:14-21

NQE VAJTSWV TXOJLUS HNUB NO:

Kuv xav kom kuv haivneeg mloog kuv lus thiab xav kom lawv hwm kuv kawg li! (Phau Ntawv Nkauj 81:13a)

Nej yuav tsum muab siab rau ntseeg Txojmoo Zoo ib yam li thaum nej nyuam qhuav hnov. Thiab nej yuav tsum nco ntsoov qhov uas nej twb cia siab rau lawm. Nej tsis txhob pub leejtwg ua rau nej xav yuam kev. Txojmoo Zoo no yog txoj uas twb muaj neeg coj mus qhia rau txhua tus uas nyob hauv qab ntuj no lawm. Kuv yog ib tug tubtxib uas qhia Txojmoo Zoo ntawd ntag. (Kaulauxais 1:23)

COV LUS THOV VAJTSWV:

Vajtswv, kuv ua koj tsaug koj pub rau kuv tau hnov txog koj, pehawm koj, Vajtswv thov koj pab rau kuv thiab cov ntseeg kom lawv tuav rawv txoj kev ntseeg ruaj khov, ncaj ncees rau koj tsis raug kev dag ntxiag mus ntseeg yuam kev, tshwj xeeb yog tiam kawg no. Vajtswv thov koj txhawb rau cov uas ua koj tes haujlwm, cov txiv tsev txhawj qhia koj Txojlus rau cov menyuam tiam no ntxiv, ua quav zoo paub hwm Vajtswv koj sawv ruaj khov hauv txoj kev ntseeg uas yog kev cawmdim. Ua Vajtswv tsaug.

Hnub 1 – Hli 05

• 

• 

NYEEM VAJTSWV TXOJLUS:

+ Phau Ntawv Nkauj 57:1-6

+ Levis Kevcai 24:10–25:17; Malakaus 8:1-13

NQE VAJTSWV TXOJLUS HNUB NO:

Kuv yuav nrog nraim nej thiab cawm nej; kuv yuav rhuav tej tebchaws uas kuv ntiab nej mus nyob ntawd, tiamsis kuv yuav tsis ua rau nej puastsuaj.

(Yelemis 30:11a)

Nimno Yexus paub pab cov neeg uas raug kev sim siab, rau qhov nws twb raug kev sim siab thiab kev tsimtxom los lawm. (Henplais 2:18)

COV LUS THOV VAJTSWV:

Vajtswv, koj Txojlus hnub no qhia rau kuv: thaum kuv ua txhaum ces kuv yuav raug txim. Txawm li ntawm los tus Tswv koj tsis tso kuv tseg, koj tseem cawm kuv, ua Vajtswv tsaug! Kuv thov Vajtswv koj pab rau cov ntseeg uas raug kev sim siab uas yog kev txhaum lossis cov neeg uas pheej raug kev txhaum khi. Vajtswv thov koj txhawb peb cov ntseeg los ntawd koj lo lus hais, los ntawm tej ntaub ntawv, qhia rau lawv kom lawv ua siab loj thov koj zam txim rau lawv cawm lawv; qhov tsawg tshaj cia peb xa pub rau lawv nqe Vajtswv Txojlus hnub no… kom lawv paub tias koj tseem hlub lawv, thiab pab lawv dhau lub tsam thawj no, kom lawv los lees txim, thov koj zam txim rau lawv thiab nrog lawv sib raug zoo. Ua Vajtswv tsaug.

HLI 05

• 

Muaj qee leej yuav hais tias, “Kuv muaj cuabkav ua txhua yam tsis muaj leejtwg txwv tau kuv.” Tiamsis tsis yog txhua yam ntawd yuav muaj nqis rau koj huv tibsi. Kuv los muaj cuabkav hais tias, “Kuv ua tau txhua yam tsis muaj leejtwg txwv tau kuv, tiamsis kuv yuav tsis cia tej uas kuv ua ntawd yuam tau kuv ua tej ntawd qhev.” (1Kauleethaus 6:12)

Hnub 30 – Hli 4

• 

• 

NYEEM VAJTSWV TXOJLUS:  

+ Phau Ntawv Nkauj 56:9-13

+ Levis kevcai 23:23-24:9; Malakaus 7:24-37

NQE VAJTSWV TXOJLUS HNUB NO:

Tus Tswv, thov nco ntsoov koj txojkev siab dawb siab zoo thiab txojkev hlub ruaj khov uas koj tau qhia rau peb thaum ub los lawm. 

(Phau Ntawv Nkauj 25:6 [HMG])

Tiamsis thaum Vajtswv tus uas yog peb tus Cawmseej nws qhia nws txojkev hlub rau sawvdaws, thaum ntawd Vajtswv muab peb lub txim tshem mus povtseg lawm. Vajtswv ua li ntawd, tsis yog vim peb ua ib yam haujlwm zoo, tiamsis vim Vajtswv hlub peb xwb. Vaj Ntsujplig tus Dawbhuv twb ntxuav peb lub siab kom peb muaj lub siab tshiab thiab nws tsim peb dua tshiab.  (Titus 3:4-5 HMG)

COV LUS THOV VAJTSWV:

Vajtswv, ua Koj tsaug uas Koj qhia tshwm txojkev hlub Kev ua siab ntev thiab siab zoo ntawm Koj rau peb tibneeg ntiajteb. Thaum uas los ntseeg Tswv Yexus kuv tau Koj zam txim kev txhaum, tau hloov dua tshiab vam Vaj Ntsujplig lub hwj chim. Kuv tsis ua neej nyob hauv qab tej kev txhaum coj kuv lawm. Nim ni kuv ua lub neej tshiab, ua tej haujlwm yog raws li Vaj Ntsujplig coj qhia. Kuv nco ntsoov txog txojkev hlub tshua cawm dim uas yog Koj muab pub xwb, tsis yog vim kuv ua zoo. Vim li ntawd kuv tsis kav khav theeb, lossis nus ntau kom tus Tswv ua raws li kuv nyiam. Kuv thov tag siab siv zog kawm Koj phau Vajluskub, thov Vajtswv kom kuv yim hnub yim ua tau raws li tej yam uas Koj qhia thiab ua tau raws li ntawd. Ua Koj tsaug.

Hnub 29 – Hli 4

• 

• 

NYEEM VAJTSWV TXOJLUS:  

+ Phau Ntawv Nkauj 56:1-8

+ Levis kevcai 22:17-23:22; Malakaus 7:9-23

NQE VAJTSWV TXOJLUS HNUB NO:

Tiamsis tus Tswv yeej ncaj ncees, vim kuv tsis mloog nws lus xwb.

(Nkauj Quaj Ntsuag 1:18a [HMG])

“Nej xav li cas? Muaj ib tug txivneej muaj ob tug tub. Leej txiv mus hais rau tus tub hlob hais tias, ‘Metub, hnub no koj mus tu kuv lub vaj txiv hmab.’ Tus tub teb hais tias, ‘Kuv tsis mus.’ Tiamsis tom qab ntawd nws txawm mus lawm.

(Mathais 21:28-29)

COV LUS THOV VAJTSWV:

Vajtswv, ob nqi Vajlugkub hnub no ua rau kuv rov tig saib kuv tus kheej saib puas ua neej ntseeg thiab mloog Koj tej lus? Lo lus teb tias Tsis tau ua. Kuv tsuas xav thiab tsuas pom kev zoo siab ua raws li tej uas kuv nyiam. Dhau qhov ntawd Koj xav kom kuv ua raws li Koj txojlus qhia. Thov Koj zam txim rau kuv tej kev txhaum. kuv thov tag siab kawm Koj txojlus ntau dua kom Koj txojlus txhawb qhia kuv txhua hnub xyaum kawm ua rau Koj txaus siab.

Kuv kuj thov Vajtswv Koj pab rau cov ua niam ua txiv paub qhia yus tej menyuam paub mloog niam txiv tej lus, xyaum kawm thiab ua raws tej uas Koj qhia hauv Koj txojlus thaum uas lawv tseem yau yau kom Koj txojlus yuav nyob thawm haum lawv lub siab thiaj ua rau lawv ntseeg Koj mus tag sim neej tsis tso tseg. Yog qhov uas yuav tau qhia rau tej menyuam txog lub neej uas tus ntseeg dhau los ntawm: piav tej zaj xwm hauv Vajluskub, qhia tej txoj nkauj uas yog nkauj me nyuam yau, kawm kom nco Vajluskub, qhia me nyuam kom tsis txhob haus cawv haus npias, tsis haus yeeb haus tshuaj, tsis txhob ua txij nkawm nrog tus uas tsis tau ntseeg Koj, hlub tshua, paub pab lwm tus… Ua Koj tsaug.

Hnub 28 – Hli 4

• 

• 

NYEEM VAJTSWV TXOJLUS:  

+ Tes Haujlwm 8:26-40; Phau Ntawv Nkauj 22:25-31

+ 1Yauhas 4:7-21; Yauhas 15:1-8

NQE VAJTSWV TXOJLUS HNUB NO:

Thov pub kom kuv muaj lub siab dawb paug pehawm koj.

(Phau Ntawv Nkauj 86:11b [HMG])

Twb yog vim li no Vajtswv thiaj tsa nws ua tus loj dua ntais thiab tis lub npe uas zoo tshaj tej npe huv tibsi rau nws. Vajtswv ua li ntawd kom Yexus lub npe muaj koob meej, txhua tus tsis hais cov uas nyob saum ntuj ceebtsheej, cov uas nyob hauv ntiajteb no thiab tej uas nyob hauv nruab tivtxwv puavleej yuav txhos caug pe nws, thiab txhua tus yuav lees hais tias Yexus Khetos yog tus Tswv, kom Vajtswv tus uas yog Leej Txiv thiaj tau koob meej.  (Filipis 2:9-11 HMG)

COV LUS THOV VAJTSWV:

Vajtswv, hnub ko kuv thov Vajtswv Koj pab rau cov uas ntseeg Koj uas tseem ua xyem xyav, tsis paub meej Koj lub siab nyiam dhau los ntawm tej haujlwm uas Koj nquas hu lawv los ua tes hawjlwm uas tshaj qhia moo zoo. Thov Vajtswv koj taw qhia rau lawv paub ua raws Koj lub siab nyiam, tej kom tswj, tej kevcai ntawm Koj, kom lawv paub ruaj khov tias yog Koj nquag hu lawv los ua tes haujlwm uas tshaj qhia Moo zoo, kom lawv yuav tawm mus, qhia txog Koj rau cov neeg uas tsis tau ntseeg uas nyob rau ntau qhov chaw tau hnov txog Tswv Yexus, los txais yuav Koj uas yog tus Tswv Cawmseej. Thov Koj ua rau lawv yuav ncajncees saib taus tes haujlwm uas lawv tau txais li Koj lub siab nyiam. Ua Koj tsaug.

Hnub 27 – Hli 4

• 

• 

NYEEM VAJTSWV TXOJLUS:  

+ Phau Ntawv Nkauj 55:20-23

+ Levis kevcai 21:13-22:16; Malakaus 7:1-8

NQE VAJTSWV TXOJLUS HNUB NO:

Nej tseem hais tias, Peb tsis muaj txim, tus Tswv yeej tsis chim rau peb.’ Tiamsis kuv uas yog tus Tswv yuav rau txim rau nej vim nej hais tias nej tsis tau ua txhaum. (Yelemis 2:35 [HMG])

Nws hais rau Yexus hais tias, “Thaum koj rov qab los ua Vajntxwv, thov koj nco txog kuv thiab.” (Lukas 23:42 [HMG])

COV LUS THOV VAJTSWV:

Vajtswv, kuv totaub nqi Vajluskub xub thawj qhia hais tias tag nrho txhua haivneeg li peb sawvdawd puav leej ua txhaum, yog li ntawd kuv tsis muaj feem hais tau tias: “ Peb tsis muaj txim tus Tswv yeej tsis chim rau peb lawm” txawm hais tias kuv yuam kev ua txhaum yau yau los ntawd yeej yog kev txhaum ntawm Vajtswv hauv ntej. Thov Vajtswv Koj pab kom kuv yuav paub saib dua hauv kuv lub neej, lees paub hais tias yus yog neeg txhaum, lees txi rau Koj kom tau Koj zam txim. yog hais tias kuv khav theeb, tsis lees hais tias yus muaj txhaum, ces Koj yuav txiav txim tag nrho txhua tes haujlwm, tus cwjpwm tsis ncaj ncees thiaj tes haujlwm uas kuv txhaum ua tsis yog. Kuv ntshaw kom kuv yuav txiav txim siab xyuam xim rau txhua yam uas kuv kev xav, thiab tej lus kuv hais. Ua Koj tsaug.

Hnub 26 – Hli 4

• 

• 

NYEEM VAJTSWV TXOJLUS:  

+ Phau Ntawv Nkauj 55:16-19

+ Levis kevcai 20:9-21:12 Malakaus 6:45-56

NQE VAJTSWV TXOJLUS HNUB NO:

Thaum kawg no yuav tsum hwm Vajtswv thiab ua raws li nws tej lus samhwm, rau qhov nws tsim neeg los ua tes haujlwm ntawd. (Tejluqhia 12:13 [HMG])

Yexus teb hais tias, “Nqe no yog nqe uas tseemceeb dua ntais; ‘Cov neeg Yixalayees, nej ua tib zoo mloog! Tus Tswv uas yog peb tus Vajtswv, nws tib leeg xwb thiaj yog tus Tswv. Nej yuav tsum hlub tus Tswv uas yog nej tus Vajtswv kawg siab kawg ntsws, kawg plab kawg plawv thiab kawg nej lub dag lub zog.’ Nqe ob uas tseemceeb hais li no hais tias, ‘Hlub koj tej kwvtij zejzog ib yam li koj hlub koj lub cev.’ Tsis muaj dua lwm nqe uas tseemceeb tshaj ob nqe no lawm.”

 (Malakaus 12:29-31 HMG)

COV LUS THOV VAJTSWV:

Vajtswv, ob nqis Vajluskub hnub no deg raug khov kho los rau hauv kuv lub siab, ua rau kuv xav txog dua lub neej uas ntseeg Vajtswv ntawm kuv. Kuv tseem ciaj tej yam kev ntshaw, tej kev yam kev ua si ntawm lub neej niaj hnub nim los coj kuv hloov qhov uas kuv yog Koj li, tsis cia Koj coj qhia kuv tej yam kev xaiv hauv kuv lub neej. Kuv tseem tab tom uas neej li kuv kev ntshaw hloov qhov uas kuv nco hmov tshua, hlub tshua xav txog cov neeg uas Koj muab tso ze kuv ibncig. Kuv xav hais tias kuv yuav tas siab, tas tus ntsujplig, tas kev txawj ntse, tas zog paub ntshai Vajtswv hlub tshua lwm tus, ua tau raws li tej kevcai uas Koj cob rau kuv. Ua Koj tsaug.