DOQC GING SOU:
+ Singx Nzung 89:46-52
+ I^saa^yaa 56, 57; Ko^lo^si 2:11-23
IH HNOI NYEI GING SOU:
Maiv dungx jangx yie lunx nyei ziangh hoc zoux dorngc, baamz nyei zuiz. O Ziouv aac, ziux meih ziepc zuoqv nyei hnamv mienh tov meih jangx yie, weic zuqc meih se longx haic. (Singx Nzung 25:7)
Meih maiv dungx weic yie gorngv, ‘Meih mbuo oix zuqc ganh siang-yungz jiex’ naaiv joux waac hnamv maiv mengh baeqc. (Yo^han 3:7)
ZA’EIX TENGX DAUX GAUX:
Ziouv aah, yie zien hnyouv daux gaux sienx zipv Ziouv Yesu se Ziouv njoux yie. Ei Ziouv nyei waac njaaux nor Ziouv guangc zuiz sortv guangc yie nyei nyungc-nyungc zuiz, Ziouv yaac guaengx guangx nqoi, Ziouv yaac mv jangx taux naaic deix zuiz aqv. Laengz zingh Ziouv. Mv baac hnangv ei fiev Singx Nzung sou nyei mienh ninh yaac jangx taux ninh zoux dorngc nyei gong dongh ninh lunx nyei ziangh hoc, camv nzunc yie yaac jangx taux yie zoux dorngc nyei gong. Tov Ziouv longc dongh naaic deix ziangh hoc zoux bun yie cuotv za’eix dingc hnyouv gunv jienv ganh, tov Singx Lingh dorh yaac tih fingv yie haih bun yie maiv aengx zoux dorngc nyei sic aqv. Laengz zingh Ziouv.