*DOQC GING SOU:
+ Singx Nzung 70
+ Saauv Mienh 18:1-24; Maako 14:53-65
*IH HNOI NYEI GING SOU:
O Ziouv aac, meih zoux longx bun meih nyei baeqc fingx wuov zanc, tov jangx yie. Meih daaih njoux ninh mbuo nyei ziangh hoc tov tengx yie.
(Singx Nzung 106:4)
Mbuo gorqv-mienh duqv nyei en se ziux Giduc ganh bun nqoi zingh nyeic gorqv-mienh. (E^fe^so 4:7)
*ZA’EIX TENGX DAUX GAUX:
Ziouv aac, Ziouv nyei waac ih hnoi zoux bun yie hiuv yie yaac hnangv camv dauh Giduc mienh yaac laengz duqv banh zeic Ziouv ceix bun haih zoux duqv yietc laanh nyei gong yiem Ziouv nyei Sin. Tov Ziouv jangx taux yie, dongh Ziouv ceix en bun Ziouv nyei baeqc fingx; tov Ziouv a’nziaauc yie dongh Ziouv njoux ninh mbuo. Weic yie nyiemc hiuv yie mv gengh zoux duqv haaix nyungc longx bun Ziouv nyei Sin. Tov Singx Lingh biux mengh bun yie hiuv yie nyei gong-mengh yiem Ziouv nyei Sin yaac kuinx yie zoux duqv dunh yunh nzoih yie nyei gong ei banh zeic Ziouv ceix bun. Tov kuinx yie haih zoux bun Ziouv nyei guoqv duqv jangv duqv hlo jienv faaux fai bun yie tengx Giduc mienh horpc gapv Ziouv ceix bun nyei banh zeic Ziouv ceix bun yie.