*DLĂNG KLEI AÊ DIÊ BLŬ:
+ Klei Mmuñ Hđăp 69:30-36
+ Klei Yap 16:28-17:13; Y-Markôs 14:43-52
*ÊLAN KLEI AÊ DIÊ BLŬ HLĂM HRUÊ:
Kâo jing ƀun ƀin leh anăn knap;
brei Khua Yang mĭn kơ kâo.
Ih jing pô đru kâo leh anăn pô bi êngiê kâo.
(Klei Mmuñ Hđăp 40:17a)
Klei čang hmăng amâo bi hêñ drei ôh. (Rôm 5:50)
*ĐRU KČĔ KLEI WAH LAČ:
Bi mni lač jăk kơ Khua Yang kyua thâodah kâo jing mnuih ƀun ƀin, kƀah knap dưn ƀiădah Ih ăt jih ai tiê uêñ mĭn khăp kơ kâo, kyuanăn klei hdĭp kâo ăt dôk hlăm klei êđăp ênang, hơĭt kjăp, mâo êsei huă čhum ao čŭt hơô leh anăn suaih pral. Kâo knang kơ Ih leh anăn čang hmăng kơ Ih. Kâo čang hmăng kơ hruê êdei klei mngač hlŏng lar hlăm ƀuôn ala mtao Ih. Kâo đăo kơ Ih mĭn uêñ kơ kâo, khăp kơ kâo tơl knhal tuč. Kâo đăo sĭt nik djŏ msĕ si Klei Aê Diê Blŭ: Čang hmăng hlăm Khua Yang amâo bi hêñ drei ôh, amâo msĕ si čang hmăng ti lăn ala ôh.
KẾT NỐI VỚI THIÊN ĐÀNG 