*DOQC GING SOU:
+ Gorngv Seix Zaangc 1:2, 12-14, 2:18-23; Singx Nzung 49:1-12
+ Ko^lo^si 3:1-11; Lugaa 12:13-21
*IH HNOI NYEI GING SOU:
Tov meih maiv dungx leih go yie, weic zuqc zeqc naanc taux fatv aqv, yaac maiv maaih haaix dauh tengx. (Singx Nzung 22:11)
Tin-Hungh kaux duqv wuonv nyei. Ninh maiv bun meih mbuo zuqc seix jiex ndaangc meih mbuo nyei qaqv. Zuqc seix wuov zanc, Tin-Hungh oix bun meih mbuo maaih jauv ciex duqv cuotv ziouc maaih qaqv diev duqv hingh.
(1 Ko^lin^to 10:13b)
*ZA’EIX TENGX DAUX GAUX:
Ziouv aac, yie nyei ziangh maengc gan Ziouv mingh caux jienv Giduc mienh zanc-zanc zuqc wuic jiex camv nzunc seix hnyouv nyei sic caux camv nzunc yuoqc yie. Camv nzunc seix hnyouv nyei sic daaih taux camv nyei zoux bun yie haiz gamh nziex zuqc gorngv gapv Ziouv: “Tov meih maiv dungx leih go yie, weic zuqc zeqc naanc taux fatv aqv, yaac maiv maaih haaix dauh tengx.” Laengz zingh Ziouv bun yie da’nyeic yiemc Ging Sou ih hnoi orn yie yaac zoux bun yie duqv orn hnyouv: Se gorngv yie nyiemc hiuv seix hnyouv hlo nyei yie nzauh mv diev duqv hingh, mv baac Ziouv dingc ziangx gorngv Ziouv mv bun seix hnyouv nyei sic cuotv daaih hlang jiex yie mbuo nyei qaqv diev. Laengz zingh Ziouv.