*Nyeem Vaajlugkub:
+ Phoo Ntawv Nkauj 18:16-24; 1 Xwmtxheej Vaajntxwv 28, 29
+ Teg Num 17:16-28
*Nqai Vaajlugkub nub nua:
Cov tuabneeg kws tuag lawm, muaj coob leej yuav sawv rov qaab lug. Muaj ibtxha yuav tau txujsa ntev dlhawv moog ibtxhis tsi kawg, tabsis muaj ibtxha yuav raug kev txomnyem hab kev txaajmuag moog ibtxhis le.
(Daniyees 12:2)
Rua qhov nqe zug ntawm txujkev txhum yog kev tuag, tabsis txuj koob moov kws Vaajtswv pub dlawb yog txujsa ntev dlhawv moog ibtxhis kws lug ntawm Yexus Khetos kws yog peb tug Tswv lug. (Loos 6:23)
*Cov Ntseeg Yexus Phoo Nkauj 2013 – zaaj 139 Thaus Txug Nub Kws Tswv Yexus
Thaus txug nub kws Tswv Yexus. Yuav nqeg rov qaab lug. Mas thaus ntawd cov ntseeg kws tuag. Yuav sawv txhijtxhua. Lub cev tuag rov cajsa. Hloov moog ua lub cev tshab. Puab yuav ntsib Tswv Yexus. Puag sau ibntaa ntuj.
Thaus txug nub kws Tswv Yexus. Yuav nqeg rov qaab lug. Cov kws ntseeg yuav yaa txhij txhua. Nrug fuab nrug cua. Yaa moog ntsib Tswv Yexus. Lawm puag sau ibntaa ntuj. Cov tuag hab cov tseem caj. Yuav sisntsib zoo sab.
*Qha thov Vaajtswv:
Vaajtswv, nyuasyau ua Koj tsaug, nyuasyau tub txais yuav Tswv Cawmseej Yexus lawm, nyuasyau tug ntsujplig txhaj tau txais txujsa ib txhis tsi raug txavtxim kws yog txuj kev tuag moog taag ibtxhis. Txawm le ntawd los thov koj paab kuas nyuasyau yuav paub hab ntseeg ruaj sab has tas txawm yog nubnuav lossis taagkig thaus nyuas yau tso lub nplajteb nuav tseg lawm, nyuasyau lub cev yuav lwj taag moog ua aav lossis ua yaam dlaabtsi tsi tseem ceeb. Tseemceeb yog, txug nub kawg Koj yuav tsaa nyuasyau sawv huv qhov tuag rov qaab lug nrug rua lub cev kws tsi txawj pluj tsi txawj tuag. Ua Vaajtswv Koj tsaug kawg nkaus.