DOQC GING SOU:
+ Singx Nzung 54
+ Lewi 16:26-18:5; Maako 6:7-13
IH HNOI NYEI GING SOU:
Naaiv dauh Tin-Hungh, ninh nyei doz dunh yunh nyei. Ziouv laengz nyei waac, buatc za’gengh zien nyei. Ninh zoux torngv-baaih weic yietc zungv ndaauh kaux ninh nyei mienh. (Singx Nzung 18:30)
Yesu gorngv jienv mingh. “Tin-Hungh zoux Ziouv gunv mienh se hnangv laanh mienh mingh haaz nyim wuov ndeic. Lungh muonz zanc ninh bueix m’njormh. Lungh hnoi zanc jiez sin zoux gong, mv baac nyim ganh guqc nyaah hlo daaih. Wuov laanh mienh yaac maiv hiuv duqv nyim hnangv haaix nor haih hlo. Ndau ganh bun nyim cuotv, bun ga’naaiv hlo daaih ziangh nyim. Da’yietv buatc cuotv miuh, hlo daaih ziouc bau, aengx cuotv mbiauh dorv jauh nyei. (Maako 4:26-28)
ZA’EIX TENGX DAUX GAUX:
Ziouv aac, I yiemc Ging Sou ih hnoi tih fingv yie gunv baengh orn nyei zoux jienv gan Ziouv nyei waac njaaux. Weic ‘Ninh zoux torngv-mbaaih weic yietc zungv ndaauh kaux ninh nyei mienh’. Weic hnangv naaic, yie horpc zuqc sienx dingc Ziouv maaih jauv longx jiex bun yie maiv gunv camv nzunc yie hnamv nyei za’eix maiv ei Ziouv nyei za’eix. Tov Ziouv dorh yie haih ginv diuh jauv yangh mingh gan Ziouv nyei jauv, sienx dingc yiem Ziouv maiv gunv yie maiv mengh baeqc. Laengz zingh Ziouv.