DLĂNG KLEI AÊ DIÊ BLŬ:
* Klei Mmuñ Hđăp 53
* Bruă Lêwi 15:25-16:25; Y-Markôs 6:1-6
ÊLAN KLEI AÊ DIÊ BLŬ HLĂM HRUÊ:
“Mpŭ mni kơ Aê Diê … Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, (Y-Đaniel 3:28)
Ñu dôk hlăm kdrăn tač pă pluh hruê, leh anăn tŭ klei Satan mplư Ñu. Ñu dôk mbĭt hŏng hlô dliê; leh anăn phung dĭng buăl jăk Aê Diê đru Ñu. (Y-Markôs 1:13)
ĐRU KČĔ KLEI WAH LAČ:
Ơ Khua Yang, tui si kâo thâo săng dua êlan Klei Aê Diê Blŭ hruê anei mtô kâo kơ bruă tlă anăp hŏng klei mplư. Y-Sadrak, Y-Mêsak leh anăn Y-Abetnêgô tlă anăp hŏng klei mplư kbiă mơ̆ng khua kiă kriê diñu, ƀiădah amâo djŏ ôh kyua huĭ diñu lui hĕ Aê Diê, kkuh kơ rup yang. Diñu jhŏng khut khat hŏng klei mplư, bi kdơ̆ng hŏng klei mtao mtă, kăp prê tla ênoh yuôm anăn jing klei hdĭp diñu pô knŏng kkuh mpŭ kơ Aê Diê đuč yơh. Ară anei, kâo ăt tlă anăp hŏng lu klei mplư: tŭ ư nao ngă bruă hruê kjuh kyua mâo bruă ngă hŏng ênoh mưn lu mlih kơ klei lui hĕ anôk mă bruă anăn dưi mâo mmông nao kkuh mpŭ kơ Aê Diê, pioh mmông kơ klei hlăp lêñ hơaĭ mang mlih kơ klei hriăm Klei Aê Diê Blŭ, nao hơ̆k mơak hlăm sang mnia mlih kơ klei nao bi mđĭ ai ƀĭng găp amâodah bi juh ayŏng adei hdơ̆ng klei đăo, srai prăk hlăm klei hlăp lêñ hŏng ƀĭng găp mlih kơ klei myơr kơ bruă Khua Yang… akâo Khua Yang đru kâo dôk êngal ti anăp mnêč klei mplư yang jhat čiăng mâo klei čuăn ruah thâo mĭn, jhŏng tla ênoh yuôm kyua đăo kơ Khua Yang. Bi mni Khua Yang.
KẾT NỐI VỚI THIÊN ĐÀNG 