NYEEM VAJTSWV TXOJLUS:
+ Phau Ntawv Nkauj 51:7-12
+ Levis kevcai 13:47-14:18; Malakaus 4:30-41
NQE VAJTSWV TXOJLUS HNUB NO:
Nej txhua tus uas nyob hauv lub nroog Xi-oos cia li qw thiab hu nkauj! Cov Yixalayees tus Vajtswv uas dawbhuv yog tus muaj hwjchim loj kawg nkaus, nws nyob nrog nraim nws haivneeg.” (Yaxayas 12:6 [HMG])
Txojlus ntawd tau los yug ua neeg, nws puv npo txojkev hlub, nws yog qhov tseeb thiab nws nrog peb nyob. Peb pom nws lub tshwjchim ci ntsa iab; Leej Txiv pub lub tshwjchim ntawd rau nws, rau qhov nws yog Leej Txiv tib leeg Tub.
(Yauhas 1:14 [HMG])
COV LUS THOV VAJTSWV:
Vajtswv, raws li kuv paub yog tus Tswv uas Muaj Tseeb uas yog Vajtswv tau dhau los ua neeg ntiajteb, lub ntsiab yog Tswv Yexus tau los yug ua neeg, tshaj qhia tej yam uas muab tseeb txog Vajtswv ntuj yuav ua li cas thiaj rov mus cuag tau Vajtswv, kom tau cawm dim. Nqi Vajluskub hnub no nquag hu cov pejxeem hauv lub nroog Xioos thaum ub, thiab cov uas ntseeg Koj niaj hnub nim no, cia li hu nkauj qhuas tus Tswv uas Dawbhuv. Txawm yog hais tias nim no peb tsis tau pom kiag tej yam tshwm ntawm Tswv Yexus los, yawg Yauhas ua tau tim khawv txog qhov uas tus Tswv lub cev hloov saum roob. Tiamsis peb kuv lees paub ntau tsawg txog tej yam uas tshwm muaj tiag ntawm tus Tswv dhau los ntawm tej haujlwm uas Vajtswv Koj ua thiab Koj txojlus. Tsuas yog thaum uas peb los txog Ntuj Ceebtsheej peb thiaj muaj feem pom “peb pom nws lub tshwjchim ci ntsa iab” txaus siab hlo. Ua Koj tsaug.