DOQC GING SOU:
+ I^saa^yaa 61:10-62:3; Singx Nzung 148
+ Gaa^laa^tie 4:4-7; Lugaa 2:22-40
IH HNOI NYEI GING SOU:
Yie guangc meih dangh baav hnangv, mv baac yie za’gengh oix korv-lienh meih, dorh meih nzuonx. (I^saa^yaa 54:7)
Tov mbuo nyei Ziouv Yesu Giduc ganh caux mbuo nyei Zaangc Diex Tin-Hungh, dongh hnamv mbuo, yaac ceix en yietc liuz orn mbuo nyei hnyouv, yaac bun longx haic nyei maaih lamh hnamv, wuov dauh, orn meih mbuo nyei hnyouv yaac liepc wuonv meih mbuo weic zoux nyungc-nyungc kuv sic yaac gorngv nyungc-nyungc kuv waac. (2 Te^saa^lo^ni^gaa 2:16-17)
ZA’EIX TENGX DAUX GAUX:
Ziouv aac, dongh yiem jienv naaiv baamh gen maaih camv nzunc yie haiz yie ganh lengh nyei yiem lingh wuonh nyei mborqv jaax dorngx. Yie haiz ndortv hnyouv dongh Ziouv jiu bun nyei gong zoux mv maaih duqv cuotv longx nyei sic, yaac haiz hnyouv mun weic mv maaih haaix dauh orn hnyouv, tengx hnyouv qaqv… Camv nzunc yie yaac maiv guaax hnyouv tengx ganh dauh; yie zoux ei mv guen dongh mangc buatc mienh jomc mienh, mienh qiemx zuqc tengx; se gorngv yie haih tengx duqv ninh mbuo nyei mv baac yie zoux ei mv guen nor,… Maiv gunv yie hnangv naaic, mv baac Ziouv laengz waac gorngv “mv baac yie oix korv-lienh meih, dorh meih nzuonx”. Zien nyei laengz zingh Ziouv. Tov yie nyei Ziouv Yesu Giduc ganh caux yie nyei Zaangc Diex Tin-Hungh, dongh hnamv mbuo, yaac ceix en yietc liuz orn yie nyei hnyouv, yaac bun longx haic nyei maaih laamh hnamv, wuov dauh, orn yie nyei hnyouv yaac liepc wuonv yie weic zoux nyungc-nyungc kuv sic yaac gorngv nyungc-nyungc kuv waac. Laengz zingh Ziouv.
KẾT NỐI VỚI THIÊN ĐÀNG 