Hruê 30 – Mlan 4

• 

• 

*DLĂNG KLEI AÊ DIÊ BLŬ:

+ Btruă Phung Khua Ƀĭng Kna 2:42-47; Klei Mmuñ Hđăp 23

+ 1Y-Pêtrôs 2:19-25; Y-Yôhan 10:1-10

*ÊLAN KLEI AÊ DIÊ BLŬ HLĂM HRUÊ:

Y-Yakôp mdih pĭt leh anăn lač, “Sĭt nik, Yêhôwa dôk hlăm anôk anei, leh anăn kâo amâo yŏng thâo klei anăn ôh.”  (Klei Mphŭn Dơ̆ng 28:16)

Digơ̆ bi lač hdơ̆ng digơ̆, “Amâo djŏ hĕ ai tiê drei hlơr hlăm drei êjai Ñu blŭ kơ drei ktuê êlan leh anăn mblang kơ drei klei čih leh?”  (Y-Luk 24:32)

*ĐRU KČĔ KLEI WAH LAČ:

Ơ Khua Yang, lu anôk hlăm Klei Aê Diê Blŭ mtô kâo lu blư̆ Khua Yang dôk mbĭt hŏng kâo, dôk hlăm ai tiê kâo, dôk kiă kriê răng mgang kâo… ƀiădah kâo khăng wơr bĭt klei anăn, amâodah yang jhat ngă kơ kâo amâo djă pioh klei bi mguôp hŏng Khua Yang ôh, kyuanăn kâo amâo mâo klei mtrŭt čiăng ngă tui si klei Ih mtô ôh. Djŏ mơ̆ kyua kâo dlăng hơăi mang kơ klei Khua Yang mtô? Djŏ mơ̆ kyua ai tiê kâo khăng đei? Djŏ mơ̆ kyua yang jhat plah mŭt dôk gai ai tiê kâo? Akâo kơ Khua Yang pap brei bi mtlaih kâo đa.