*NYEEM VAJTSWV TXOJLUS:
+ Phau Ntawv Nkauj 31:1-5
+2 Xwmtxheej Vajntxwv 34:8-33; Teg HaujLwm 26:15-27
*NQE VAJTSWV TXOJLUS HNUB NO:
Rau qhov nws los kav lub ntiajteb no lawm. Nws yuav kav neeg ntiajteb ntawm txojkev ncaj ncees thiab dawbhuv li. (Pau Ntawv Nkauj 98:9 [HMG])
Tus Tswv, puas muaj leejtwg uas tsis ntshai Koj? Puas muaj leejtwg uas tsis hwm Koj? Rau qhov Koj tib leeg thiaj yog tus uas dawbhuv. Txhua haivneeg yuav tuaj cua koj thiab pehawm Koj, rau qhov sawvdaws pom hais tias koj ua Koj tes hajlwm ncaj ncees.” (Tshwmsim 15:4 [HMG])
*COV LUS THOV VAJTSWV:
Vajtswv, hnub no kuv taij thov Koj los pab rau cov neeg uas tsis tau ntseeg Koj ua nyob hauv ntiajteb no. Thaum uas tiam thib I Timthawj Yauhas ua ywg toog pom Ntuj Ceebtsheej.Nqi Vajlugkub Tshwmsim 15:4 yog zaj nkauj uas yawg hnov saum ntuj Ceebtsheej muaj nqi lus “Txhua haivneeg yuav tuaj cua koj thiab pehawm Koj.” Kuv lees tias qhov tseeb tiag niaj hnub nim no neeg ntiajteb feem coob tsis tau los ntseeg Koj. Thiab muaj tsawg heev cov uas ntseeg Koj hauv ntiajteb no mus qhia txoj moo zoo txog Koj, qhia txog lub ntuj Ceebtsheej, tiamsis niaj hnub nim no tsuas muaj ib feem neeg tsawg tsawg uas nyob hauv ntiajteb no thiaj paub hwm paub ntshai Koj, thiab pehawm Koj xwb. Kuv ntseeg hais tias Koj yuav siv tej txujci tseem ceeb los ua rau lawv deg raug lawv txojkev xav ua rau lawv lees paub Koj, thiab ntseeg tej uas Vajtswv Koj txojlus sau tseg txog Koj. Thov Koj los koom nrog cov tub ua tim khawv qhia Koj txoj moo zoo ntawd, nyob txhua txhia qhov, kom txog hnub uas Tswv Yexus nqis los ces tag nrho txhua tus txhua haiv neeg hauv ntijteb no, paub ntshai paub hwm Koj, thiab pehawm Koj mus li.
KẾT NỐI VỚI THIÊN ĐÀNG 