*DOQC GING SOU:
+ Singx Nzung 31:1-5
+ 2 Zunh Doic Douh 34:8-33; Gong-Zoh 26:15-27
*IH HNOI NYEI GING SOU:
Ninh oix daaih siemv lungh ndiev. Ninh oix baengh fim nyei siemv baamh gen, yaac longc gong-fim siemv maanc fingx. (Singx Nzung 98:9)
Ziouv aah! Maaih haaix dauh maiv taaih meih, maiv gamh nziex meih? Maaih haaix dauh maiv ceng meih nyei mbuox? Weic zuqc meih ganh cing-nzengc hnangv. Maanc guoqv mienh oix daaih yiem meih nyei nza’hmien baaix meih, weic zuqc maanc mienh duqv buatc meih zoux nyei sic baengh fim nyei.
(Laauc Yaangh 15:4)
*ZA’EIX TENGX DAUX GAUX:
Ziouv aac, ih hnoi yie tov daux gaux bun wuov deix mienh mv gengh sienx zipv Ziouv yiem naaiv tong lungh ndiev. Jiex a’laamh dorng yietc baeqv hnyaangx gu’nyuoz nyei ziangh hoc Yo^han buatc duqv hinc yaangh yiem tin-dorngh. Yiemc Ging Sou Laauc Yaangh 15:4 se diuh nzung Yo^han muangx haiz yiem tin-dorngh maaih joux: ‘Maanc guoqv mienh oix daaih yiem meih nyei nza’hmien baaix meih’. Yie hiuv nor ih zanc buonc camv mienh yiem naaiv tong lungh ndiev mv gengh sienx zipv Ziouv. Maaih camv nyei Ziouv nyei naamh nyouz yaac mingh taux camv norm dorngx zunh Ziouv nyei kuv fienx, gorngv taux diuh jauv haih mingh taux tin-dorngh. Mv baac taux ih zanc kungx maaih mv camv mienh yiem naaiv tong lungh ndiev hiuv gamh nziex Ziouv, ceng yaac sienx zipv Ziouv. Yie gengh hnamv se Ziouv haih longc mbuoqc horngh nyei sic zoux gong yiem ninh mbuo nyei gu’nyuoz hnyouv zoux bun ninh mbuo hiuv Ziouv yaac sienx taux Ging Sou fiev taux Ziouv. Tov Ziouv caux jienv zorng-zengx nyei mienh zoux gong fu-sux Ziouv yiem mouz norm dorngx haih taux hnoi Ziouv aengx daaih nor mouz laanh mienh yiem mouz fingx mienh yiem naaiv tong lungh ndiev yietc zungv gamh nziex Ziouv, ceng yaac sienx zipv Ziouv.
KẾT NỐI VỚI THIÊN ĐÀNG 