*DOQC GING SOU:
+ Singx Nzung 79:9-13
+ Nzamc Leiz-Latc 5:22-6:25; Lugaa 5:27-39
*IH HNOI NYEI GING SOU:
Yie bun meih mbuo maaih qangx ginv oix ziangh fai daic, oix duqv fuqv fai zuqc zioux. Ih zanc oix zuqc ginv meih mbuo oix duqv ziangh jienv.
(Nzamc Leiz-Latc 30:19b)
Yietc liuz nyei maengc se dongh naaiv aqv. Se ninh mbuo hiuv duqv meih, nduqc dauh zien Tin-Hungh. Yaac hiuv duqv yie, Yesu Giduc, dongh Die paaiv daaih wuov dauh. (Yo^han 17:3)
*ZA’EIX TENGX DAUX GAUX:
Ziouv aac, yiem yie ga’hlen maaih camv mienh nyiemc hiuv gorngv maaih nduqc dauh Tin-Hungh, maaih jienv nyei yaac sienx Ziouv mbuoqc zaangc Ziouv mv baac mv nyiemc yaac mv laengz sienx caux mbuoqc zaangc Ziouv Yesu Giduc. Fi’hnangv nyei maaih camv mienh mv nyiemc hiuv Die se Tin-Hungh nduqc dauh wuov dauh Ziouv, yaac mv nyiemc hiuv Ziouv Yesu Giduc se Ziouv duqv Die paaiv daaih. Yaac maaih camv dauh hiuv taux Tin-Hungh, hiuv taux Ziouv Yesu gan njaaux leiz, hoqc sou, sou-nzaangc mv baac mv sienx zipv. Hiuv se mv laengz nor mv haih maaih maanc gouv maanc doic nyei ziangh maengc. Nangh caux daic, yie ginv nangh, laengz zingh Ziouv. Zien nyei, haaix dauh yaac zuqc ginv hnangv naaic. Mv baac ninh mbuo mv sienx Ging Sou se Ziouv nyei waac, se waac gengh zien nor ninh mbuo ginv ziangh ei ganh nyei eix se mv hiuv gorngv dingc za’eix hnangv naaic se mv haih duqv maanc gouv maanc doic nyei ziangh maengc, hnangv naaic se ginv daic maanc gouv maanc doic bun ganh nyei lingh wuonh. Ov, tov Ziouv nziouv nyei zoux gong henv nyei taux ninh mbuo nyei hnyouv yaac njoux ninh mbuo leih ndurtv mienv nyei qaqv se Ziouv nyei win-wangv, haih bun ninh mbuo nyie daaih, nyiemc hiuv Ziouv yaac sienx zipv Ziouv haih laengz duqv maanc gouv maanc doic nyei ziangh maengc bun ganh nyei lingh wuonh.
KẾT NỐI VỚI THIÊN ĐÀNG 