*DOQC GING SOU:
+ Singx Nzung 18:25-29
+ Tin Deic Douh 30:25-31:21; Matv^taai 11:11-24
*IH HNOI NYEI GING SOU:
“Meih mbuo ngaengc doz nyei naamh nyouz aah! Nzuonx daaih maah! Yie oix zorc meih mbuo ngaengc doz nyei jauv longx daaih.” (Ye^le^mi 3:22a)
Zinh ndaangc meih mbuo se hnangv mingh dorngc jauv nyei ba’gi yungh. Mv baac ih zanc meih mbuo nzuonx daaih gan jienv Ba’gi Yungh Ziouv, dongh Goux Meih Mbuo nyei Lingh Wuonh Wuov Dauh. (1 Bide 2:25)
*ZA’EIX TENGX DAUX GAUX:
Ziouv aac, yie tov daux gaux div bun sienx Ziouv nyei mienh zuqc seix zaangc nyei qomz tui mingh leih go mienh muoz, guangc mbuoqc zaangc Ziouv, guangc doqc Ging Sou caux daux gaux hnoi hnoi liuz guangc ninh mbuo nyei sienx fim yiem Ziouv. Yie sienx gorngv Ziouv hiuv liuz nyungc nyungc tiuv mingh yiem ninh mbuo nyei ziangh maengc gan seix zaangc qiemx zuqc nyei ga’naaiv. Yie sienx gorngv Ziouv yaac gengh buatc ninh mbuo nyei lingh wuonh maih jaax-zinh nyei Ziouv yaac goux jienv ninh mbuo nyei lingh wuonh nyei. Tov Ziouv korv-lienh zoux bun maaih ziangh hoc maaih qaangx bun ninh mbuo daaux nzuonx. Tov Singx Lingh dingc zuiz, tih fingv, kuinx ninh mbuo daaux nzuonx sienx zipv Ziouv. Gengh laengz zingh Ziouv haic.
KẾT NỐI VỚI THIÊN ĐÀNG 