Hnoi 31 – Hlaax 03

• 

• 

*DOQC GING SOU:

+ Singx Nzung 41; Yopv 1, 2

+ Lomaa 11:7-18

*IH HNOI NYEI GING SOU:

Maiv dungx maaih hnyouv mueic jieqv zuiz-mienh, oix zuqc hnoi-hnoi taaih Ziouv.

(Cong-Mengh Waac 23:17)

Yesu gorngv, ‘Aa Die aah! Tov Die guangc nqoi ninh mbuo nyei zuiz, weic zuqc ninh mbuo zoux nyei ninh mbuo maiv hiuv.’ (Lugaa 23:34a)

*ZA’EIX TENGX DAUX GAUX:

Ziouv aac, yie maiv gaamv dingc se yie yaac ei duqv Ziouv Yesu yiem da’nyeic yiemc Ging Sou ih hnoi. Gorngv zien nor zoux ei mv guenx gapv orqv haic nyei mienh se gengh kouv haic nyei. Mv funx maangc, mv nzorng aengx gengh kouv jiex nyei. Zanc zanc yie hnamv oix jaauv win fai mv jaauv win duqv nor yie yiem hnyouv hnamv houv waac  ninh mbuo mv baac hnamv ninh mbuo taux daux gaux bun ninh mbuo yaac gorngv tengx bun mienh hnamv oix lorz jauv zoux hoic bun yie, zoux bun yie gengh mun yaac zoux kouv naanc bun yie nyei seix zaangc yaac caux yie nyei m’nqorngv faamv nor se gengh zien maiv maaih sic, gengh kouv haic nyei. Mv baac, se Ziouv nyei dorn-sieqv yie oix zuqc hnangv jienv Ziouv yiem yie nyei hnyouv caux m’nqorngv faamv. Tov Ziouv zorc yie, goiv yienz yie nyei m’nqorngv faamv ei jienv Ziouv hnamv.