*Nyeem Vaajlugkub:
+ Phoo Ntawv Nkauj 40:9-17; Exethaws 9:18-10:3
+ Loos 10:14-11:6
*Nqai Vaajlugkub nub nua:
Muaj ib tug mivnyuas tub lug yug huv peb cov lawm!
Vaajtswv muab ib tug tub pub rua peb! Hab nwg yuav ua tug kaav peb.
(Yaxayas 9:6)
Thaus Vaajtswv tug kws yog leej Txiv pub koob meej hab pub tug tshwjchim kws ci ntsaa ab rua nwg, thaus ntawd peb yeej nrug nwg nyob ua ke, hab muaj lub suab kws has huv tug Tshwjchim kws Ci Ntsaa Ab tuaj rua nwg has tas, “Tug nuav yog kuv tug Tub kws kuv hlub, kuv txaus sab heev rua nwg.”
(2 Petus 1:17)
*Cov Ntseeg Yexus Phoo Nkauj 2013 – zaaj 50
1. Vaajtswv Txujlug tshwmsim ua noobneej
Yog lug ua peb tug Cawmseej
Tswv Yexus yog Vaajtswv tuableeg Tub
Hab Nwg yog Tuabneeg Leejtub
Txhua lub hauvcaug yuav lug txhus pe Nwg
Vim Nwg yog peb tug Vaajntxwv
Txhua tug nplaig yuav hunkauj txhawbnqaa
Nwg vim Nwg yog peb tug Vaajtswv.
*Qha thov Vaajtswv:
Vaajtswv ua koj tsaug. Kws tug cev lug Yaxayas tej lug cev nuav tub tav rua thaus Tswv Yexus lug yug lawm. Ua Vaajtswv tsaug kws Koj tau tshoov timthawj Petus sau txug Vaaj Leejtxiv tej lug has thaus thaus Tswv Yexus lub cev hloov, hab puv npo Leejtxiv tug tshwjchim. Tej nuav muaj tshwm thaus Tswv Yexus tseem taabtom ua Nwg tegnum nyob nplajteb nuav, hab qhov nuav ua povthawj qha has tas, Tswv Yexus yog Vaaj Leejtub ntawm Vaajtswv Vaaj Peb Leeg. Yog le ntawd, nyuasyau txhaj ntseeg tas, txug nub kws Tswv Yexus rov qaab lug, nqai Vaajlugkub “Nwg yuav ua tug kaav peb” yeej yuav muaj tav le tau has tseg lawm.