Hnub 30 – Hli 01

* Nyeem Vajluskub:

+ Ntawv Nkauj 18:25-29; Chivkeeb 30:25-31:21

+ Mathais 11:11-24

* Nqi Vajluskub hauv hnub ntawd:

“Tsis txhob to plaub ntug tsis ncaj, thiab tsis txhob saib tsis taus cov pluaglossis tsa cov npluanuj cai. (Levis Kevcai 19:15a)

Cov kwvtij, nej yog cov uas ntseeg peb tus Tswv Yexus Khetos tus uas muaj tshwjchim loj, nej tsis txhob xaiv leejtwg ntsejmuag li.

(Yakaunpaus 2:1)

* Haleluyas 097

(Youtube Thiếu Nhi Tin Lành)

Qhia kuv xyaum nyob ntsiag, qhia kuv xyaum ntsiag to. Qhia kuv xav txog Koj Txojlus! Qhia kuv tig ntsej mloog, qhia kuv tig siab mloog, qhia kuv ua raws Koj Txojlus!

Qhia kuv xyaum tig mloog, qhia kuv xyaum khaws cia. Qhia kuv ua neej li tus yug kuv Txojlus! Qhia kuv xyaum tig mloog, qhia kuv xyaum khaws cia. Qhia kuv paub kuv yog Koj li!

Qhia kuv xyaum hais lus, qhia kuv paub thov Koj. Qhia kuv xyaum hais Koj Txojlus! Qhia kuv paub txhawb zog, qhia kuv txawj qhuab ntuas. Qhia kuv xyaum hais tej lus zoo!

Qhia kuv paub ua tsaug, qhia kuv xyaum siab ntev. Qhia kuv xyaum hais txog tus yug kuv Txojlus! Qhia kuv xyaum taij thov, qhia kuv xyaum txhawb nqa. Qhia kuv xyaum hais Koj Txojlus!

Qhia kuv xyaum ua neej, qhia kuv xyaum siab ntev. Qhia kuv ua raws Koj Txojlus! Qhia kuv muaj siab hlub, qhia kuv xyaum zam luag. Qhia kuv ua raws Koj Txojlus!

Qhia kuv xyaum hlub luag, qhia kuv xyaum zam txim. Qhia kuv ua neej li tus yug kuv Txojlus! Qhia kuv muaj siab hlub, qhia kuv xyaum zam luag. Qhia kuv ua raws Koj Txojlus!

* Zaj thov Vajtswv qauv: Tus Tswv, tibneeg tus mojyam tsuas saib taus, zam tus muaj meej mom thiab xav nrhiav kev ua phoojywg nrog. Vim li ntawd thiaj xeeb muaj lub siab xav kom luag pab, xav kom luag tshua txog, xav kom tau luag txais tos thiab xav tau luag pab txhawb thaum zoo sijhawm. Thov Koj pab menyuam kom txawj xav txog, paub pab cawm, txawj tiv thaiv, txawj saib xyuas, txawj txhawb zog thiab paub nqis tes pab cov neeg pluag ua ntej tshaj plaws. Thov Koj pab kom menyuam paub ua neej ncaj ncees dawb huv tabmeeg Koj thiab tabmeeg tibneeg kom menyuam kovyeej cov neeg uas muaj koob muaj npe.