DLĂNG KLEI AÊ DIÊ BLŬ:
* Klei Mmuñ Hđăp 68:1-6
* Klei Yap 9:15-10:36; Y-Markôs 12:35-44
ÊLAN KLEI AÊ DIÊ BLŬ HLĂM HRUÊ:
Snei Yêhôwa lač:
“Adiê jing jhưng mtao Kâo, leh anăn lăn ala jing mdhô̆ Kâo trông jơ̆ng,
snăn ti sang diih čiăng mdơ̆ng kơ Kâo?
Leh anăn ti anôk Kâo srăng mdei?
(Y-Êsai 66:1)
Diih amâo thâo hĕ kơ diih jing sang kkuh mpŭ kơ Aê Diê leh anăn Yang Mngăt Jăk Aê Diê dôk hlăm diih? (I Kôrantô 3:16)
ĐRU KČĔ KLEI WAH LAČ:
Ơ Khua Yang, êlan Klei Aê Diê Blŭ hruê anei lŏ mñă kơ kâo amâo yuôm ôh mâo sang Kkuh Mpŭ kdrăm kơah snăn kơh Khua Yang srăng dôk ti krah phung đăo hmei. Kyuadah Khua Yang dôk hlăm ai tiê jih jang hlei pô đăo leh anăn kkuh mpŭ kơ Ñu sĭt. Snăn, wăt mâo sang kkuh mpŭ kdrưh kơang ƀiădah mŭt kkuh mpŭ kơ Khua Yang hmei ba klei rŭng răng, klei mĭn kơ bruă hlăm lăn ala snăn hmei ăt luč klei bi mguôp mbĭt hlăm klei mmuñ, êjai wah lač, êjai răk Klei Aê Diê Blŭ… hlăm klei sĭt, brei kơ hmei ngă khuăt nao kơ sang kkuh mpŭ hŏng klei kơhưm kkuh mpŭ kơ Aê Diê hŏng ai tiê mđing, hŏng knhuah leh anăn mdruh kkuh mpŭ brei mdê hĭn hŏng klei nao bi mbĭn hlăm anôk mă bruă. Klei thâo săng hlăm klei mpŭ mni kơ Aê Diê brei bi êdah hŏng klei ngă, hŏng knhuah drei hlăm klei kkuh mpŭ kơ Khua Yang. Kâo ăt hdơr Khua Yang dôk hlăm ai tiê grăp čô hmei snăn tơdah hmei ngă ya mta bruă ngă kyua Khua Yang.
KẾT NỐI VỚI THIÊN ĐÀNG 