DLĂNG KLEI AÊ DIÊ BLŬ:
* Klei Mmuñ Hđăp 66:16-20
* Klei Yap 7:72-8:4; Y-Markôs 12:13-17
ÊLAN KLEI AÊ DIÊ BLŬ HLĂM HRUÊ:
Đăm ktư̆ juă mnuih tue ôh; diih thâo leh ai tiê mnuih tue, kyuadah diih jing tue leh hlăm čar Êjip. (Klei Kbiă 23:9)
Hlăk anăn phung kpă srăng lŏ wĭt lač kơ Ñu, ‘Ơ Khua Yang, hbĭl hmei tuôm ƀuh Ih êpa leh anăn brei kơ Ih mnơ̆ng ƀơ̆ng huă, amâodah Ih mhao leh anăn brei kơ Ih êa mnăm? Leh anăn hbĭl hmei tuôm ƀuh Ih jing tue leh anăn jum Ih, amâodah Ih asei lưng leh anăn brei čhiăm ao kơ Ih hơô? Leh anăn Mtao srăng lŏ wĭt lač kơ diñu, ‘Sĭt nik Kâo lač kơ diih, êjai diih ngă leh klei anăn kơ sa čô hlăm phung ayŏng adei Kâo đơ điêt anei jing klei diih ngă leh kơ Kâo yơh.’ (Y-Mathiơ 25:37, 38, 40)
ĐRU KČĔ KLEI WAH LAČ:
Ơ Khua Yang, êlan Klei Aê Diê Blŭ hruê anei mñă kơ kâo hdơr kâo ăt jing mnuih tue msĕ hŏng phung ƀuôn sang Khua Yang ruah, jing phung Israel. Ƀiădah tơdah kâo đăo kơ Khua Yang Yêsu snăn kâo ăt jing sa čô hlăm phung ƀuôn sang Israel hlăm mngăt. Kâo thâo săng kơ hlei pô kâo mtuôm boh nik phung ka đăo kơ Khua Yang, brei kâo dôk dơ̆ng hŏng klei khăp hŏng digơ̆ hŏng klei klă ti krah klei hdĭp. Djŏ anôk bruă ngă amâo prŏng ôh msĕ si ƀuh mnuih ti êlan čiăng kơ klei đru snăn đru kơ digơ̆ êsei huă, sa kčok êa mnăm, brei kơ digơ̆ čhum ao hơô grăp hruê, đru pô mkăn găn êlan… akâo Khua Yang mtrŭt phung đăo kơ Khua Yang brei hmei jing ktang kjăp hĭn êjai čiăng kơ hmei dưi ƀuh klei čiăng leh anăn đru djŏ mmông tui si hnơ̆ng hmei dưi ngă. Leh anăn kâo srăng găn klei hơ̆k mơak tơdah đru pô mkăn leh anăn klei mơak dưi mâo klei mưn mơ̆ng Khua Yang hlăm ƀuôn ala mtao Ñu.
KẾT NỐI VỚI THIÊN ĐÀNG 