NYEEM VAJTSWV TXOJLUS:
+ Phau Ntawv Nkauj 55:1-8
+ Levis kevcai 18:6-19; Malakaus 6:14-29
NQE VAJTSWV TXOJLUS HNUB NO:
Koj tsis txhob ntshai, koj yuav tsis raug kev txajmuag lawm, koj yuav tsis swb leejtwg li. (Yaxayas 54:4a HMG)
Tus timtswv hais rau ob tug pojniam ntawd hais tias, “Neb tsis txhob ntshai; kuv paub hais tias yog neb tuaj nrhiav Yexus tus uas luag muab ntsia rau saum ntoo khaublig. Nws tsis nyob ntawm no, nws twb sawv raws li nws qhia tseg lawm. Neb cia li los saib qhov chaw uas luag tso nws lub cev. (Mathais 28:5-6 HMG)
COV LUS THOV VAJTSWV:
Vajtswv, cov neeg uas mus raws Tswv Yexus thaum ub paub tseeb hais tias lawv yuav raug txajmuag vim raug lwm tus luag, raug thuam thaum uas yus tus thawj raug lawv ntes mus, raug muab ntsia rau saum ntoo khaublig, tuag thiab muab faus hauv qhov ntxa tau peb hnub lawm. Tiamsis cov Timtswv hais kom lawv tsis txhob ntshai. Txhob nyhav siab, muaj tseeb li nqi Vajluskub Yaxayas 54:4a, lawv yuav tsis raug kev txajmuag, nyuaj siab tiamsis yuav kaj siab, zoo siab tshaj qhia rau txhua tus txog qhov haujlwm uas Tswv Yexus tau sawv rov los. Kuv xav kom kuv yuav ua tau raws li tus qauv cov pojniam thaum ntawd, kev ntseeg ruaj ntawm tus Tswv, ntshaw pliag qhia tshwm txoj moo zoo cawm dim vim paub hais tias Tus Tswv uas kuv tab tom pehawm yog Tus Tswv uas tseem muaj sia. Ua Koj tsaug.