NYEEM VAJTSWV TXOJLUS:
+ Phau Ntawv Nkauj 78:17-31
+ Teev Npe 35:22-36:13; Lukas 4:1-13
Thov nej cov uas yog nws haivneeg cia li muab siab npuab tus Tswv uas yog peb tus Vajtswv thiab coj raws li nws tej kevcai thiab nws tej lus samhwm ib yam li nej ua niaj hnub no.” (1Vajntxwv 8:61 [HMG])
Cov kwvtij, kuv tsis tau xav hais tias kuv twb khiav mus txog tom kawg lawm; tsuas muaj ib yam uas kuv yuav ua xwb, yam ntawd yog li no: Kuv yuav tsis cim ntsoov tej uas kuv ua tas los lawm, tiamsis kuv yuav siv zog ntsos mus kom txog tej uas nyob tom hauv ntej. Yog li ntawd, kuv thiaj li khiav ncaj nraim mus rau tus ciam tom kawg kom kuv tau nqi zog. Qhov nqi zog ntawd yog txojsia ntev dhawv mus ibtxhis uas Vajtswv khaws cia rau saum ntuj ceebtsheej tos peb cov uas ntseeg Yexus Khetos. (Filipis 3:13-14 HMG)
COV LUS THOV VAJTSWV:
Vajtswv, ob nqi Vajlugkub hnub no txhawb kom kuv yuav tau ua siab ncaj rau Koj mus txog thaum tuag. Kuv ntshaw kom kuv yuav ua tau li thwjtim Paulus, yog tsis txhob cim ntsoov tej uas kuv ua tag los kom tsis txhob khav theeb lossis tsis txhob siv zog kom tau hnov tej neeg uas nyob ibncig kuv qhua. Tiamsis ua tsaug uas Koj pub lub zog tshiab rau kuv pab ua Koj tes haujlwm, ua tiav tes haujlwm uas Koj muab cob rau kuv ua. Txawm yog thaum uas tab tom ua tes haujlwm ntawd tej zaum kuv yuav ntsib ntau yam kev nyuaj siab, sim siab. Thov Koj pab kuv tsis txhob thim, tsis txhob qaug rau tej lub koos haum uas ntseeg yuam kev. Ua Koj tsaug.
KẾT NỐI VỚI THIÊN ĐÀNG 