NYEEM VAJTSWV TXOJLUS:
+ Npau Ntawv Nkauj 78:1-8
+ Teev Npe 34; Lukas 3:1-20
NQE VAJTSWV TXOJLUS HNUB NO:
Kuv muab kuv tej lus samhwm thiab tej kevcai qhia rau lawv; yog leejtwg ua raws li kuv tej lus samhwm thiab tej kevcai ntawd yuav tau txojsia.
(Exekees 20:11 [HMG])
Vajtswv txib nws tibleegTub los rau hauv ntiajteb no kom peb cov uas ntseeg nws tus Tub tau txojsia tshiab. Vajtswv ua li ntawd twb yog Vajtswv qhia rau peb hais tias nws hlub peb. (1Yauhas 4:9 [HMG])
COV LUS THOV VAJTSWV:
Vajtswv, kuv totaub hais tias tibneeg tau tsim los ntawm Vajtswv txojkev hlub tshua. Tswv Yexus los hauv ntiajteb no yog los tuag hloov txhua haivneeg vim kev txhaum ntawm txhua haivneeg, kuv yog kev hlub tshua ntawm Vajtswv Koj. Thaum uas los ntseeg txais yuav Tswv Yexus kuv tau kev zam txim kev txhaum, tau Koj pub rau txojsia ibtxhis los ntawm sab ntsujplig. Ntawd kuj yog txojkev hlub tshua ntawm Koj. Txojkev hlub ntawm Koj tseem niaj hnub qhia tshwm dhau los ntawm txojkev hloov pauv hauv tus neeg uas ntseeg Koj. Uas tau lub neej tshiab lawm tiag. Hauv lub neej tshiab ntawd kuv siv zog ua heev txog Koj txoj koob hmoov, thaj yeeb,zoo siab, tsis txhawj ntshai… kuv thov tag siab ceev kuv tus kheej ua neej nyob hauv txojkev hlub tshua ntawm Vajtswv, dhau los ntawm tes haujlwm uas ncaj ncees mloog raws li Koj tej lus qhia hauv Koj txojlus. Ua Koj tsaug.