NYEEM VAJTSWV TXOJLUS:
+ Phau Ntawv Nkauj 77:16-20
+ Teev Npe 33; Lukas 2:41-52
NQE VAJTSWV TXOJLUS HNUB NO:
Tus Tswv, kuv yuav niaj hnub hu nkauj qhuas koj txojkev hlub uas tsis paub kawg; kuv yuav qhia koj txojkev ncaj ncees mus ibtxhis.
(Phau Ntawv Nkauj 89:1 [HMG])
Nws hlub peb kawg nkaus, nws thiaj foom koob hmoov nplua mias rau peb sawvdaws tsis paub kawg li. (Yauhas 1:16 [HMG])
COV LUS THOV VAJTSWV:
Vajtswv, thaum kuv ntseeg Yexus kuv txais tau kev zam txim ntawm tej kev txhaum thiab tau txojsia nyob mus ibtxhis. Thaum uas kuv tseem nyob hauv ntiajteb no, thov Koj pab kuv ruaj siab hauv txojkev ntseeg. Ncaj ncees ntseeg thiab pehawm thiab pab ua Koj tes haujlwm. Hauv lub neej niaj hnub, Koj pub rau kuv tau txais ntau yam koob hmoov, kuv yuav suav tsis tag tej uas tshwm los rau kuv uas muaj tseeb. Thov Koj txhawb kom kuv paub tag siab hu nkauj qhuas Koj ua tim khawv txog Koj rau lwm tus. Ua Koj tsaug.