DOQC GING SOU:
+ Singx Nzung 78:17-31
+ Saauv Mienh 35:22-36:13; Lugaa 4:1-13
IH HNOI NYEI GING SOU:
Hnangv naaic meih mbuo horpc zuqc ziepc zuoqv hnyouv gan Ziouv, mbuo nyei Tin-Hungh. Oix zuqc ei jienv ninh nyei lingc, gan longx ninh nyei leiz-latc hnangv ih hnoi nor. (1 Hungh Douh 8:61)
Gorx-youz aac, yie maiv zeiz funx yie zorqv duqv mi’aqv. Yie kungx zoux nduqc nyungc hnangv. Jiex daaih nyei sic yie la’kuqv nzengc mi’aqv, longc qaqv hungx jienv wuov ndaangc mingh, baeng zaqc tiux taux zorqv duqv zingh nyeic nyei dorngx, se dongh Tin-Hungh heuc yie kaux Giduc Yesu mingh yiem gu’nguaaic duqv nyei zingh nyeic. (Fi^lipv^poi 3:13-14)
ZA’EIX TENGX DAUX GAUX:
Ziouv aac, I yiemc Ging Sou ih hnoi orn yie nyei hnyouv gunv ziepc zuoqv gapv Ziouv taux daic. Yie gengh hnamv se zuotc jienv Baulo nyei gingx se la’kuv ganh zoux duqv longx nyei sic haih maiv ceng hlo fai maiv zuqc cuotv qaqv zoux weic oix mienh muoz ceng taaih yie. Mv baac bangc kaux Ziouv ceix bun nyei qaqv haih fu-sux, zoux sung nyungc-nyungc gong Ziouv jiu bun yie zoux. Dongh zoux naaic deix gong daaix sic yie haih buangh zuqc kouv naanc, seix hnyouv nyei sic nyei. Tov Ziouv tengx yie maiv tuix bouc, maiv zuqc yuoqc nyei sic gan jienv ganh nyungc dorngc leiz mingh. Laengz zingh Ziouv.