DLĂNG KLEI AÊ DIÊ BLŬ:
* Klei Mmuñ Hđăp 78:9-16
* Klei Yap 35:1-21; Y-Luk 3:21-38
ÊLAN KLEI AÊ DIÊ BLŬ HLĂM HRUÊ:
Ơ phung ƀuôn sang Kâo, hmư̆ bĕ Kâo,
Ơ phung găp djuê Kâo, mđing bĕ knga kơ Kâo.
Kyuadah klei bhiăn srăng kbiă mơ̆ng Kâo,
leh anăn klei kpă Kâo srăng jing klei mngač kơ phung găp djuê mnuih.
(Y-Êsai 51:4)
Y-Simêôn pŭ hđeh điêt anăn, bi mni kơ Aê Diê, leh anăn lač, kyuadah ală kâo ƀuh leh klei Ih bi mtlaih Ih mkra leh ti anăp jih jang găp djuê mnuih, jing klei mngač brei klei bi êdah kơ phung tue, leh anăn jing klei guh kơang kơ phung ƀuôn sang Ih Israel. (Y-Luk 2:28, 30-32)
ĐRU KČĔ KLEI WAH LAČ:
Ơ Khua Yang, klei hưn êlâo kơ Khua Yang Yêsu srăng hriê ti lăn ala dưi bi sĭt leh. Wăt kâo amâo mtuôm hŏng Khua Yang hŏng klei tlă anăp msĕ si phung mnuih ênuk mphŭn dô, ƀiădah bi mni lač jăk kơ Khua Yang kyua brei kơ kâo dưi hmư̆ Klei Mrâo Mrang Jăk Khua Yang leh anăn đăo kơ Khua Yang. Akâo Khua Yang đru kâo sĭt suôr tui hlue Khua Yang, dôk kjăp hlăm klei đăo hlăm Khua Yang leh anăn jhŏng hưn Klei Mrâo Mrang Jăk Khua Yang kơ mnuih ka đăo. Kâo čang hmăng dưi hưn kơ lu mnuih leh anăn ƀuh jih lăn ala đăo leh anăn hdĭp hlăm klei Khua Yang atăt gai. Bi mni kơ Khua Yang.