DOQC GING SOU:
+ Singx Nzung 78:9-16
+ Saauv Mienh 35:1-21; Lugaa 3:21-38
IH HNOI NYEI GING SOU:
O yie nyei baeqc fingx aac, muangx yie maah! O yie nyei guoqv nyei mienh aah! Baeng m’normh muangx yie. Yie oix zorqv yie nyei leiz-latc jiu bun maanc fingx. Yie baengh fim nyei leiz oix zoux njang ziux ninh mbuo. (I^saa^yaa 51:4)
Si^me^on ziouc hlorpv jienv Yesu ceng Tin-Hungh. Ninh gorngv, “Ziouv aac, meih laengz nyei waac, meih zoux ziangx aqv. Ih zanc bun yie, meih nyei bou, baengh orn nyei guei seix. Weic zuqc yie ganh nyei m’zing duqv buatc liuz meih nyei njoux en, dongh meih dorng jienv maanc fingx mienh liuc leiz ziangx nyei njoux en. Naaiv dauh gu’nguaaz zoux njang bun ganh fingx mienh hiuv duqv meih nyei eix, yaac bun mienh taaih meih nyei baeqc fingx, I^saa^laa^en Mienh.” (Lugaa 2:28-32)
ZA’EIX TENGX DAUX GAUX:
Ziouv aac, waac weic douc waac nyei mienh gorngv taux Ziouv Yesu daaih taux naaiv baamh gen duqv benx zien. Maiv gunv yie maiv duqv buangh Ziouv hmien doix hmien hnangv loz hnoi wuov deix mienh mv baac laengz zingh Ziouv bun yie duqv muangx Ziouv nyei kuv fienx yaac sienx zipv Ziouv mi’aqv. Tov Ziouv tengx yie ziepc zuoqv gan Ziouv, sienx fim wuonv yiem Ziouv yaac damv hlo nyei zunh cuotv Ziouv nyei kuv fienx bun mienh mv gengh sienx zipv Ziouv. Yie gengh hnamv se zoux zorng-zengx bun mouz laanh mienh yaac duqv mangc buatc maanc fingx sienx zipv Ziouv yaac duqv Ziouv dorh jauv. Laengz zingh Ziouv.
KẾT NỐI VỚI THIÊN ĐÀNG 