DOQC GING SOU:
+ E^se^ken 17:22-24; Singx Nzung 92:1-4, 12-15
+ 2 Ko^lin^to 5:6-10, 14-17; Maako 4:26-34
IH HNOI NYEI GING SOU:
Naaiv deix yietc zungv kaux meih ziux ziangh hoc bun ga’naaiv ninh mbuo nyanc. Meih bun ninh mbuo, ninh mbuo ziouc zorqv daaih, meih sung meih nyei buoz ninh mbuo ziouc duqv longx nyei ga’naaiv beuv. (Singx Nzung 104:27-28)
Yesu mbuox ninh mbuo, “Yie ganh se yungz maengc nyei nyanc hopv. Haaix dauh daaih lorz yie, wuov dauh yietc liuz maiv ngorc. Haaix dauh sienx yie, wuov dauh yietc liuz maiv nqaatv. (Yo^han 6:35)
ZA’EIX TENGX DAUX GAUX:
Ziouv aac, dongh sienx zipv Ziouv nyei ziangh hoc yie duqv njoux lingh wuonh aqv. Yie duqv caux Ziouv gorngv waac hnoi-hnoi yaac laengz duqv Ziouv dau yie. Laengz zingh Ziouv! Ziouv yaac ceix bun yie maaih gaux nyanc gaux hopv hnoi-hnoi. Tov Ziouv tengx wuov deix mienh ih zanc buangh zuqc zeqc naanc qiemx nyanc qiemx hopv. Tov Ziouv kuinx camv laanh Giduc mienh mbenc ziangx fongc horc camv nyei bun Ziouv, tengx deix hnyouv hnamv bun wuov deix mienh buangh zuqc zeqc naanc. Laengz zingh Ziouv.
KẾT NỐI VỚI THIÊN ĐÀNG 