NYEEM VAJTSWV TXOJLUS:
+ Phau Ntawv Nkauj 77:10-15
+ Teev Npe 32:28-42; Lu-ca 2:33-40
NQE VAJTSWV TXOJLUS HNUB NO:
Kuv hais tias, ‘Nej cia li mus laij dua daim teb tshiah rau nej cog kev ncaj ncees thiab sau tej koob hmoov uas kuv muab rau txhua tus uas muab siab npuab kuv. Twb txog lub sijhawm uas nej los cuag kuv uas yog nej tus Tswv lawm, kuv yuav los thiab nchuav koob hmoov rau nej. (Hauxeyas 10:12 [HMG])
Yexus hais ib zaj lus pivtxwv rau lawv hais tias, “Muaj ib tug txivneej npluanuj, nws muaj liaj muaj teb zoo thiab sau tau qoobloo ntau heev. Nws xav hais tias, ‘Kuv yuav ua li cas? Kuv tsis muaj chaw txaus ntim kuv tej qoobloo no.’ Ces kuv yuav hais rau kuv lub siab hais tias, koj muaj hmoo heev! Koj twb muaj txhua yam txhij zog uas kav ntau xyoo lawm. Koj cia li so nyob noj nyob haus.’ Tiamsis Vajtswv hais rau tus npluanuj ntawd tias, ‘Tus neeg ruam, hmo no koj txojsia twb yuav tu. (Lukas 12:16-17a, 19-20a HMG)
COV LUS THOV VAJTSWV:
Vajtswv, hnub no kuv thov Vajtswv rau cov neeg npluanuj nyob hauv ntiajteb no, thov Koj qhib lawv lub siab kom lawv yuav txhawj txog kev cawmdim ntawm lawv sab ntsujplig ntawm lawv tus kheej, thiab paub mob siab ua phooj ywg nrog rau txhua tus, tshwj xeeb yog lawv cov neeg uas nrog lawv ua haujlwm uas yuav tau txais tau txojkev hlub los ntawm txhua tes haujlwm pub dawb. Thov Koj pub rau lawv lees paub qhov uas lawv npluanuj ntawm lawv yog koob hmoov ntawm Koj txawm yog hais tias lawv tsis tau ntseeg Koj. Thov Koj txhawb zog rau cov uas ntseeg Koj uas npluanuj sab nqaij tawv, yuav paub muab ib feem fij pab ua Koj tes haujlwm thaum uas lawv tseem tshuav sijhawm ua neej nyob hauv ntiajteb no. Kuv yuav thov nco ntsoov Koj tej lus qhia, kom ua tau rau hauv kuv lub neej, tsis txhob nkim, paub yuav qhia li cas rau lwm tus txawm hais tias kuv tsis tau npluanuj. Ua Koj tsaug.