DOQC GING SOU:
+ Singx Nzung 77:10-15
+ Saauv Mienh 32:28-42; Lugaa 2:33-40
IH HNOI NYEI GING SOU:
Meih mbuo oix zuqc weic ganh zuangx baengh fim nyei nyim, ziouc siou duqv ziepc zuoqv hnamv nyei jauv. (Ho^se^yaa 10:12)
Maaih dauh butv-zoih mienh maaih lingh deic longx haic, zuangx duqv ga’naaiv camv. Ninh aengx hnamv daaih, ‘Aa, yie maengc longx haic aqv. Nyungc-nyungc longx nyei ga’naaiv yie maaih gaux nyanc gaux hopv ziex hnyangx. Yie kungx bueix jienv nyanc, bueix jienv hopv, njien-youh a’nziaauc hnangv.’ “Mv baac Tin-Hungh gorngv mbuox ninh, ‘Ga’naaiv-hngongx aah!… (Lugaa 12:16-17a, 10-20)
ZA’EIX TENGX DAUX GAUX:
Ziouv aac, ih hnoi yie tov daux gaux bun wuov deix mienh butv zoih yiem gormx naaiv lungh ndiev. Tov Ziouv kuinx ninh mbuo oix nzauh nyei guaax hnyouv taux njoux ninh mbuo nyei lingh wuonh yaac oix nzauh guaax hnyouv taux hnyouv jangv gapv mouz laanh mienh, lengc jeiv nyei se ninh mbuo nyei gong mienh haih bun ninh mbuo duqv siou hnamv nyei sic gan ninh mbuo zoux nyei sic se hnyouv jangv. Tov Ziouv bun ninh mbuo nyiemc hiuv ninh mbuo butv zoih se Ziouv nyei fuqv maiv gunv ninh mbuo maiv gengh sienx zipv Ziouv. Tov Ziouv kuinx Giduc mienh butv zoih yaac oix maaih buonc tengx fongc horc zinh nyanh dongh ninh mbuo zeiz maaih ziangh hoc ziangh yiem naaiv baamh gen. yie yaac tov jangx Ziouv njaaux nyei waac haih longc bun yie nyei ziangh maengc: maiv longc camv jiex ganh qiemx longc, maiv longc ga’naaiv jaaix ndongc haaix, hiuv tengx bun ganh dauh maiv gunv yie maiv gengh butv zoih. Laengz zingh Ziouv.