NYEEM VAJTSWV TXOJLUS:
+ Phau Ntawv Nkauj 7:1-9
+ Teev Npe 31:48–32:27; Lukas 2:21-32
NQE VAJTSWV TXOJLUS HNUB NO:
Txhua leej txhua tus nyias qw kawg nyias lub zog ua tus Tswv tsaug, rau qhov twb pib pua tus Tswv lub Tuamtsev lub plagtse lawm. (Exalas 3:11b [HMG])
Rau qhov yeej tsis muaj leejtwg yuav muaj cuabkav tsa dua lwm lub tsev hloov lub uas Vajtswv twb tsa tau lawm, lub ntawd yog Yexus Khetos ntag.
(1Kauleethaus 3:11 [HMG])
COV LUS THOV VAJTSWV:
Vajtswv, thaum uas kuv los ntseeg Yexus, Koj hais kom kuv ua raws li Koj tej lus qhia. Kuv totaub tias kev ntseeg ntawm txhua tus ntseeg lub neej yog ib lub tuamtsev uas tau ua lub plag yog Tswv Yexus, txhais tau hais tias txhua tus ntseeg yog lub tuamtsev uas Koj los nyob. Lub tuamtsev uas peb txhua tus ua rau Koj yog ib lub tuamtsev uas dawb huv. Nyob ruaj khov rau hauv txojkev ntseeg, nkag siab txog tej uas Koj qhia, coj los siv rau hauv peb lub neej txhua hnub, muaj Koj txojkev kaj nrig ci rau txhua tus… txawm yuav nyob hauv tej qhov xwm txheej uas nyuaj npaum li cas los xij los tej “ tuamtsev ntawm tus uas ntseeg” tseem yuav nyob ruaj khov nyob Kaj siab lug, tsi txhob tsis txhawj txog tej xwm txheej uas tshwm ntawd. Vajtswv thov Koj pab peb ua siab ntev, muab tag nrho peb lub neej los ua lub tuamtsev no, kom ciaj sia nyob mus ibtxhis hauv Koj lub tebchaws. Ua Koj tsaug.