DOQC GING SOU:
+ Singx Nzung 77:1-9
+ Saauv Mienh 31:48-32:27; Lugaa 2:21-32
IH HNOI NYEI GING SOU:
Zuangx mienh lomh nzoih heuc qiex mbui nyei ceng Ziouv weic zuqc zaangc Ziouv nyei biauv nyei gorn-ndoqv liepc jiez daaih aqv. (E^saa^laa 3:11b)
Weic zuqc maiv maaih haaix dauh haih liepc ganh norm gorn-ndoqv, cuotv liuz liepc ziangx wuov norm, se Yesu Giduc. (1 Ko^lin^to 3:11)
ZA’EIX TENGX DAUX GAUX:
Ziouv aac, dongh yie sienx zipv Ziouv Yesu, Ziouv kuinx yie mbuo zoux jienv ei Ziouv nyei waac njaaux. Yie mengh baeqc yietc laanh Giduc mienh nyei seix zaangc se ndopv-liuh duqv ceix gan gorn-ndoqv se Yesu Giduc, eiz-leiz se yietc laanh Giduc mienh se singx dinc bun Ziouv yiem. Yie mbuo nyei singx dinc ceix bun Ziouv se cing-nzengc nyei, wuonv nyei yiem sienx fim, mengh baeqc Ziouv njaaux nyei waac, zoux jienv gan ziangh maengc hnoi-hnoi, maaih Ziouv nyei njang ziux cuotv,… maiv gunv buangh zuqc zeqc naanc, kouv naanc nor ‘Giduc mienh nyei singx dinc’ yaac haih wuonv nyei, hnyouv njien-youh baengh orn, maiv nzauh heix dongh buangh zuqc haaix nyungc sic. Tov Ziouv tengx yie mbuo maaih noic ceix naaiv norm singx dinc liuz yie mbuo nyei ziangh maengc, maaih yiem jienv maanc gouv maanc doic yiem Ziouv nyei guoqv. Laengz zingh Ziouv.