DLĂNG KLEI AÊ DIÊ BLŬ:
* Klei Mmuñ Hđăp 76
* Klei Yap 31:13-47; Y-Luk 2:1-20
ÊLAN KLEI AÊ DIÊ BLŬ HLĂM HRUÊ:
Jih jang klei kâo mtă kơ diih, brei diih răng ngă; đăm thiăm amâodah bi hrŏ ôh.”
(Klei Mtô Mñă Klei Bhiăn 12:32)
Yêsu lŏ wĭt lač kơ digơ̆, “Klei Kâo mtô amâo djŏ klei Kâo pô ôh, ƀiădah klei Pô tiŏ hriê Kâo. Tơdah sa čô mnuih čiăng ngă tui si klei Aê Diê čiăng, gơ̆ srăng thâo thâodah klei Kâo mtô kbiă hriê mơ̆ng Aê Diê amâodah Kâo blŭ tui si klei dưi Kâo pô.
(Y-Yôhan 7:16-17 )
ĐRU KČĔ KLEI WAH LAČ:
Ơ Khua Yang, bi mni kơ Khua Yang kyua brei leh kơ hmei Klei Aê Diê Blŭ čiăng kơ hmei hriăm leh anăn gưt hlue. Akâo Khua Yang mtrŭt phung đăo brei răng tui ksiêm mta klei Khua Yang mtô leh anăn ngă hlue Klei Aê Diê Blŭ. Êjai hlăm hdră ngă bruă snăn amâo duah thiăm sa mta klei tui si klei mĭn pô amâodah khăt lui hĕ čiăng bi găl hŏng klei pô mĭn blŭ leh anăn mă yua hŏng klei kplêč kpleo hĕ. Akâo Khua Yang đru hmei amâo ngă hlue klei Khua Yang mtô mtă hŏng klei mkrah dưh, amâodah kpleh êlan tui hlue klei đăo soh leh anăn bi mĭn Khua Yang jing Pô jăk, Pô pap ăt srăng bi mtlaih hmei mơ̆ng klei bi kmhal hlŏng lar. Kâo čang hmăng kâo leh anăn phung đăo mkăn srăng hơĭt ênang sĭt suôr ngă hlue klei Khua Yang mtô mtă hlăm Klei Aê Diê Blŭ leh anăn thâo kral anăn jing klei sĭt nik hlŏng lar hriê mơ̆ng Aê Diê. Bi mni kơ Khua Yang.