NYEEM VAJTSWV TXOJLUS:
+ Phau Ntawv Nkauj 76
+ Teev Npe 31:13-47; Lukas 2:1-20
NQE VAJTSWV TXOJLUS HNUB NO:
Nej yuav tsum ua txhua yam raws li tej lus uas kuv qhia rau nej lawm; nej tsis txhob ntxiv lossis rho ib los li. (2Kevcai 12:32 [HMG])
Yexus teb hais tias, “Tej lus uas kuv qhia no tsis yog kuv tej lus, tiamsis yog Vajtswv tus uas txib kuv los tej lus. Yog lejtwg txaus siab ua raws li Vajtswv lub siab nyiam, tus ntawd yuav paub hais tias tej lus uas kuv qhia no yog Vajtswv kom kuv hais lossis yog kuv hais kuv xwb. (Yauhas 7:16-17 [HMG])
COV LUS THOV VAJTSWV:
Vajtswv, ua Koj tsaug uas Koj pub rau Koj txojlus rau peb kawm thiab peb ua raws. Thov Vajtswv Koj txhawb rau peb cov uas ntseeg yuav ua tib zoo tshawb nrhiav tej uas Koj qhia thiab ua raws li Koj txojlus. Hauv lub sijhawm uas ua raws ces tsis txhob ua ntxiv tej yam uas yog yus lub tswvyim xav lossis muab rho tawm kom phim qhov uas peb lub siab nyiam, ces ua raws los ntawm qhov uas yuam kev. Thov koj pab rau peb txhua tus Tsis txhob ua raws li Koj tej lus qhia ib nrab xwb. Lossis tig mus raws lwm yam kev ntseeg thiab xav hais tias Koj yog tus Tswv siab ntev, muaj kev hlub yeej yuav cawm peb dim ntawm kev raug txim ibtxhis. Kuv ntshaw kom kuv thiab lws tus cov uas ntseeg yuav tso siab ncaj ncees ua raws li Koj tej lus qhia hauv Koj txojlus thiab lees paub hais tias ntawd yog qhov tseeb ibtxhis uas tuaj ntawm Vajtswv Koj tuaj. Ua Koj tsaug.