DOQC GING SOU:
+ Singx Nzung 76
+ Saauv Mienh 31:13-47; Lugaa 2:1-20
IH HNOI NYEI GING SOU:
Da’faanh yie hatc meih mbuo nyei nyungc-nyungc oix zuqc ei jienv zoux. Maiv dungx jaa tim yaac maiv dungx jamv cuotv. (Nzamc Leiz-Latc 12:32)
Yesu ziouc dau ninh mbuo, “Yie njaaux nyei waac se maiv zeiz yie ganh hnamv cuotv daaih njaaux. Se dongh paaiv yie daaih wuov dauh nyei waac. Haaix dauh dingc hnyouv ei Tin-Hungh nyei eix zoux, wuov dauh ziouc hiuv duqv yie njaaux nyei waac yiem Tin-Hungh daaih fai yie ganh hnamv cuotv daaih njaaux.
(Yo^han 7:16-17)
ZA’EIX TENGX DAUX GAUX:
Ziouv aac, laengz zingh Ziouv ceix bun yie mbuo Ziouv nyei waac haih bun yie mbuo hoqc yaac zoux jienv mingh. Tov Ziouv kuinx Giduc mienh yie mbuo faix fim zimh lorz yaac zoux jienv ei Ziouv nyei waac. Dongh yie mbuo zoux nor yie mbuo maiv aengx jaa tim yie mbuo ganh nyei za’eix bieqc mingh fai jamv cuotv haaix nyungc. Tov Ziouv tengx yie mbuo maiv dungx zoux ndaamv-dingh fai hiun mingh yangh ganh diuh jaav-leiz nyei jauv yaac aengx hnamv hnyouv gorngv se Ziouv suonc hnyouv, korv-lienh nor haih njoux yie mbuo maiv zuqc dingc zuiz maanc gouv maanc doic. Yie hnamv se mouz laanh Giduc mienh yaac ziepc zuoqv nyei zoux jienv nyungc-nyungc Ziouv njaaux nyei waac yiem Ging Sou yaac nyiemc hiuv Ziouv nyei waac se zien-leiz maanc gouv maanc doic gan Tin-Hungh daaih. Laengz zingh Ziouv.