DLĂNG KLEI AÊ DIÊ BLŬ:
* Klei Mmuñ Hđăp 75
* Klei Yap 30:1-31:12; Y-Luk 1:67-80
ÊLAN KLEI AÊ DIÊ BLŬ HLĂM HRUÊ:
Ih brei ñu kiă kriê jih bruă kngan Ih ngă leh;
Ih dưm jih jang mnơ̆ng ti gŭ jơ̆ng ñu leh.
(Klei Mmuñ Hđăp 8:6)
“Jih jang mnơ̆ng kâo mâo klei dưi ngă sơăi,” ƀiădah amâo djŏ jih jang mnơ̆ng ôh jing tŭ dưn ôh. “Jih jang mnơ̆ng kâo mâo klei dưi ngă sơăi,” ƀiădah kâo amâo srăng jing hlŭn kơ sa mta mnơ̆ng ôh. (I Kôrantô 6:12)
ĐRU KČĔ KLEI WAH LAČ:
Ơ Khua Yang, bi mni lač jăk kơ Khua Yang kyua brei kơ anak mnuih hmei klei dưi kiă kriê jih jang mnơ̆ng. Wăt snăn dưn, lu blư̆ hmei mjhua amâodah yua amâo djŏ hŏng klei dưi kiă kriê mơ̆ng Khua Yang brei kơ anak mnuih. Êlan Klei Aê Diê Blŭ hruê anei mñă kơ kâo amâo djŏ jih jang bruă ngă ba klei tŭ dưn kơ pô mkăn leh anăn kơ drei pô sơaĭ ôh. Kyua anăn, akâo kơ Khua Yang đru hmei phung đăo kơ Khua Yang klei knhâo thâo mĭn, thâo bi mĭn klă klơ̆ng, mkă rơ̆ng bi kjăp klei čuăn kơ klei hdĭp. Boh nik hlăm klei yua mnơ̆ng mâo hlăm lăn ala, bruă yua prăk kăk leh anăn mmông, ai ktang… Khua Yang brei leh kơ hmei. Akâo Khua Yang đru hmei hdĭp leh anăn ngă bi leh jăk bruă kiă kriê Khua Yang jao leh kơ hmei. Bi mni kơ Khua Yang.