NYEEM VAJTSWV TXOJLUS:
+ Phau Ntawv Nkauj 75
+ Teev Npe 30:1–31:12; Lukas 1:67-80
NQE VAJTSWV TXOJLUS HNUB NO:
Koj tsa lawv los kav txhua yam uas koj tsim tseg, thiab tsa lawv saib tagnrho txhua yam tsiaj uas koj tsim tseg. (Phau Ntawv Nkauj 8:6 [HMG])
Muaj qee leej yuav hais tias, “Kuv muaj cuabkav ua txhua yam tsis muaj leejtwg txwv tau kuv.” Tiamsis tsis yog txhua yam ntawd yuav muaj nqis rau koj huv tibsi. Kuv los muaj cuabkav hai tias, “Kuv ua tau txhua yam tsis muaj leejtwg txwv tau kuv, tiamsis kuv yuav tsis cia tej uas kuv ua ntawd yuam tau kuv ua tej ntawd qhev.”
(1Kauleethaus 6:12 [HMG])
COV LUS THOV VAJTSWV:
Vajtswv. Ua Koj tsaug uas Koj pub rau peb tibneeg muaj hwjchim tswj kav thiab saib tag nrho txhua yam. Txawm li ntawd los, muaj qee zaug pej tsim txom lossis tsis siv raws li qhov uas Koj pub rau peb tswj thiab kav, nqe Koj txojlus hnub qhia kuv paub tias tsis yog txhua yam uas peb ua yuav pab tau lwm tus lossis peb tus kheej. Yog li ntawd thov Koj coj qhia peb cov ntseeg kom yuav txawj ntse, ua tib zoo xav, thiab txiav txim siab hauv lub neej, tshwj xeeb tshaj yog siv tej yam uas Koj tsim tseg, hauv ntiajteb no, kev siv nyiaj txiag, thiab siv sijhawm, lub zog… uas Koj muab pub rau peb. Thov Koj pab kuv lub neej thiab ua raws tau zoo tes haujlwm uas tswj kav txhua yam uas Koj muab cob rau peb txhua tus. Ua Koj tsaug.