DOQC GING SOU:
+ Singx Nzung 75
+ Saauv Mienh 30:1-31:12; Lugaa 1:67-80
IH HNOI NYEI GING SOU:
Meih paaiv ninh gunv meih nyei buoz zeix daaih nyei nyungc-nyungc, yaac orn ninh zoux ziouv gunv maanc muotc. (Singx Nzung 8:6)
Maaih mienh oix gorngv, “Haaix nyungc yie maaih leiz zoux duqv nyei.” Zeiz nyei, mv baac maiv zeiz nyungc-nyungc maaih lamh longc. Yie haih gorngv, “Haaix nyungc yie maaih leiz zoux duqv nyei,” mv baac yie maiv bun haaix nyungc hoic yie zoux nouh. (1 Ko^lin^to 6:12)
ZA’EIX TENGX DAUX GAUX:
Ziouv aac, laengz zingh Ziouv ceix bun baamh mienh yie mbuo maaih za’eix gunv nyungc-nyungc Ziouv zeix daaih. Maiv gunv hnangv naaic, camv nzunc yie mbuo longc maiv horpc Ziouv bun nyei za’eix. Yiemc Ging Sou ih hnoi tih fingv yie se maiv zeiz nyungc-nyungc gong yie mbuo zoux se yietc zungv maaih cuotv longx nyei sic bun ganh dauh yaac bun yie ganh. Weic hnangv naaic, tov Ziouv njaaux yie mbuo cong-mengh nyei, hiuv hnamv duqv longx, faix fim dongh dingc nyei sic. Lengc jeiv nyei se dongh longc Ziouv zeix daaih nyei ga’naaiv, longc zinh nyanh, ziangh hoc, gong qaqv,… Tov Ziouv tengx yie mbuo ziangh yaac zoux duqv longx nyungc gong Ziouv jiu bun yie mbuo gunv. Laengz zingh Ziouv.
KẾT NỐI VỚI THIÊN ĐÀNG 