DLĂNG KLEI AÊ DIÊ BLŬ:
* Klei Mmuñ Hđăp 74:18-23
* Klei Yap 29:7-40; Y-Luk 1:57-66
ÊLAN KLEI AÊ DIÊ BLŬ HLĂM HRUÊ:
Klei pô trông čhai kơ klei êđăp ênang mâo klei hơ̆k mơak.
(Klei Bi Hriêng 12:20)
Tơdah dưi, gĭr bĕ, dôk êđăp ênang hŏng jih jang mnuih. (Rôm 12:18)
ĐRU KČĔ KLEI WAH LAČ:
Ơ Khua Yang, kâo khăng ruăt blŭ ƀiădah amâo mĭn êlâo êdei kyua anăn ngă bi luč klei bi mguôp hŏng pô mkăn, boh nik phung hlăm gŏ sang. Klei Aê Diê Blŭ mñă kâo brei hdĭp êđăp ênang hŏng jih jang mnuih leh anăn mâo ai mĭn jing pô bi grăng amâo djŏ ôh jing pô bi luč klei êđăp ênang. Akâo Khua Yang pap brei kơ klei soh kâo. Kâo hdơr pioh klei Khua Yang mtô čiăng yua hlăm klei hdĭp kâo grăp hruê. Akâo Khua Yang đru kâo thâo uêñ kơ ai tiê klei mĭn pô mkăn, bi mĭn klă klơ̆ng kơ ya klei kâo srăng blŭ čiăng kơ kâo đăm tuh êa pui êjai pui trơ̆ng ƀiădah blŭ hrăm hŏng klei thâo bi pap. Mơ̆ng anăn, kâo dưn klei mơak hlăm klei bi mdjŏ hŏng phung riêng gah. Bi mni kơ Khua Yang.