NYEEM VAJTSWV TXOJLUS:
+ Phau Ntawv Nkauj 74:18-23
+ Teev Npe 29:7-40; Lukas 1:57-66
NQE VAJTSWV TXOJLUS HNUB NO:
Cov neeg uas tuav hauv ua kev phem lawv yog neeg dag ntxias, tiamsis cov neeg ua zoo yuav tau kev kaj siab lug. (Pajlug 12:20 [HMG])
Nej yuav tsum ua txhua yam zoo raws li nej paub ua, nej thiaj yuav nrog sawvdaws nyob sib haum. (Loos 12:18 [HMG])
COV LUS THOV VAJTSWV:
Vajtswv, kuv tau hais tej yam tsis tsim nyog hais yam li tsis xav ua ntej, ua rau muaj kev tsis sib haum nrog lwm tus, tshwjxeeb yog cov neeg txheeb ze hauv tsevneeg. Koj txojlus qhia kom kuv yuav tsum ua kom zoo nrog sawvdaws nyob sib haum, thiab muaj lub siab xav ua kom muaj kev kaj siab thaj yeeb xwb, tsis txhob yog tus uas ua rau muaj kev tsis sib haum xeeb. Thov Koj zam txim rau tej yam uas kuv tau ua txhaum. kuv thov nco ntsoov Vajtswv Koj txojlus qhia los coj siv ua kuv lub neej txhua hnub. Thov Koj pab kuv paub xav txog lwm tus txojkev xav, ua tib zoo xav txog tej yam uas kuv yuav hais, kom kuv tsis txhob ntxiv roj ntxiv rau hauv qhov hluav taws, tiamsis ua los ntawm kev sib nkag siab. Vim yog ua li ntawd yuav muaj kev xyiv fab sib haum xeeb nrog cov neeg nyob ibncig kuv. Ua Koj tsaug.