DLĂNG KLEI AÊ DIÊ BLŬ:
* Klei Mmuñ Hđăp 74
* Klei Yap 28:1-29:6; Y-Luk 1:46-56
ÊLAN KLEI AÊ DIÊ BLŬ HLĂM HRUÊ:
Y-Môis leh anăn Y-Arôn nao kơ Pharaôn leh anăn lač kơ ñu, “Snei Yêhôwa, Aê Diê phung Hêbrơ, lač, ‘Dŭm boh sui ih srăng hngah, amâo bi luă gŭ ih pô ti anăp Kâo? Lui phung ƀuôn sang Kâo đuĕ nao, čiăng kơ diñu dưi kkuh mpŭ kơ Kâo.
(Klei Kbiă 10:3)
Krist bi mtlaih drei leh, čiăng kơ drei mâo klei êngiê. Snăn dôk kjăp bĕ, đăm lŏ mjing ih pô hlŭn klei bhiăn ôh. (Galati 5:1)
ĐRU KČĔ KLEI WAH LAČ:
Ơ Khua Yang, bi mni kơ Khua Yang kyua bi mtlaih leh kâo brei klei êngiê tlaih mơ̆ng klei soh dơ̆ng mơ̆ng kâo đăo kơ Khua Yang Yêsu jing Pô Bi Mtlaih kơ klei hdĭp kâo. Êlan Klei Aê Diê Blŭ hruê anei mñă kơ kâo bruă ngă hlăm knhuah hdĭp grăp hruê mơ̆ng pô đăo kơ Khua Yang. Kâo čuăn hriăm Klei Aê Diê Blŭ leh anăn ngă hluê knhuah hdĭp djŏ tui si Khua Yang čiăng, čiăng kơ kâo mâo klei thâo mĭn, dưi thâo kral klei mpư leh anăn đuĕ kbưi, hngah, leh anăn sĭt suôr tui hlue klei Khua Yang atăt gai hŏng Klei Aê Diê Blŭ. Kâo ăt mđĭ ai ayŏng adei kâo jhŏng hưn anăn Khua Yang kơ lu mnuih dôk tui duah, đăo leh anăn kkuh mpŭ kơ Khua Yang mbĭt hŏng hmei. Bi mni kơ Khua Yang.