Hruê 9 – Mlan 06

• 

• 

DLĂNG KLEI AÊ DIÊ BLŬ:

* Klei Mphŭn Dơ̆ng 3:8-15; Klei Mmuñ Hđăp 130

* II Kôrantô 4:13-5:1; Y-Markôs 3:20-35

ÊLAN KLEI AÊ DIÊ BLŬ HLĂM HRUÊ:

Amâo djŏ hĕ Aê Diê ƀuh êlan kâo, leh anăn yap jih knhuang kâo? (Y-Yôp 31:4)

 Amâo djŏ hĕ êma drei čĭm hrai arăng čhĭ kơ dua lui? Ƀiădah Aê Diê amâo wơr bĭt ôh sa drei hlăm digơ̆.  (Y-Luk 12:6)

ĐRU KČĔ KLEI WAH LAČ:

Ơ Khua Yang, kâo bŏ hŏng klei hơ̆k mơak leh anăn mâo thiăm ai ktang čiăng gĭr hĭn hlăm klei hdĭp kyua Khua Yang ƀuh jih jang bruă kâo ngă. Khua Yang ăt kăp dlăng kâo ti êlan kâo nao ya bruă kâo ngă wăt kơ mnuih amâo dưi ƀuh, amâo uêñ. Khua Yang uêñ kơ ênoh ênil anak mnuih tơl truh hnơ̆ng Khua Yang djiê hrô kơ jih jang mnuih kyua klei soh hmei. Kyua anăn, akâo Khua Yang đru hmei jing phung đăo kơ Khua Yang brei hmei thâo uêñ, răng kriê hdơ̆ng hmei amâo djŏ knŏng hlăm klei hdĭp mngăt ôh ƀiădah wăt hlăm klei hdĭp kđeh, kâo ăt wah lač bi ala kơ phung dôk hlăm klei rŭng ênguôt, phung lač kơ diñu pô amâo mâo ênoh yuôm leh anăn phung mâo klei mĭn bi mdjiê diñu pô… akâo Khua Yang đru digơ̆ dưi dlăng êlan Klei Aê Diê Blŭ hruê anei čiăng kơ digơ̆ dưi mâo klei bi juh. Akâo Khua Yang bi êdah kơ digơ̆ thâo wăt amâo mâo pô hdơr kơ digơ̆ snăn Khua Yang ăt khăp nanao, kăp dlăng leh anăn uêñ kơ digơ̆ grăp mnĭt grăp mmông… čiăng kơ digơ̆ knang kơ Khua Yang mâo klei dưi hŏng klei hêñ kyua klei soh, klei huĭ Khua Yang srăng lui kyua ngă soh, riêt asei… digơ̆ mguôp mbĭt mă bruă kơ Khua Yang, ngă bruă Khua Yang jao. Bi mni kơ Khua Yang.