NYEEM VAJTSWV TXOJLUS:
+ Chivkeeb 3:8-15; Thi Thiên 130
+ 2 Kauleethaus 4:13-5:1; Malakaus 3:20-35
NQE VAJTSWV TXOJLUS HNUB NO:
Vajtswv paub txhua yam uas kuv ua; nws saib ntsoov kuv rho txhua kauj ruam mus kev. (Yauj 31:4 [HMG])
Tsib tug noog tsev, luag muag ob xu xwb puas yog? Txawm yog ib tug noog tsev xwb los Vajtswv yeej saib ntsoov. (Lukas 12:6 [HMG])
COV LUS THOV VAJTSWV:
Vajtswv, kuv zoo siab thiab tau ntxiv kev txhawb zog kuv thiaj muaj zog ntxiv hauv txojkev ua neej, vim Koj pom tag nrho tes haujlwm uas kuv ua. Koj saib ntsoov kuv txhua kauj ruam mus kev txhua qhov txawm yog hais tias lwm tus yuav tsis pom, tsis hmov tshua. Tus Tswv hmov tshua txog kev muaj nqis ntawm tibneeg, txog qib uas Nws los tuag hloov rau peb tibneeg vim peb tej kev txhaum. Vim li ntawd thov Koj ua rau cov uas ntseeg li peb paub hmov tshua, saib xyuas ua ke, tsis txhob yog sab ntsujplig xwb tiamsis tag nrho sab nqaij tawv huvsi. Kuv thov Koj pab rau cov neeg uas muaj kev nyuaj siab, cov neeg uas xav hais tias yus tsis muaj nuj nqis dabtsi, thiab tshwj xeeb yog cov neeg uas xav cim civ tua tus kheej… thov Koj pub rau lawv nyeem tau Koj txojlus hnub no kom lawv tau nplig siab. Thov Koj qhia tshwm rau lawv paub zais txawm hais tias tsis muaj leej twg nco txog lawv, los Koj yeej hlub tshua, nrog nraim thiab tsom kwm lawv txhua lub sijhawm txhua feeb txhua ntsais… kom lawv vam khom Koj thiaj kov yeej txhua yam kev txhaum, kom lawv paub ntshai Koj thiab tso tag nrho tej kev txhaum, xav tua tus kheej tseg,… los koom siab ua Koj tes haujlwm, ua tiav tes haujlwm uas Koj muab cob rau. Ua Koj tsaug.