DOQC GING SOU:
+ Tin Deic Douh 3:8-15; Singx Nzung 130
+ 2 Ko^lin^to 4:13-5:1; Maako 3:20-35
IH HNOI NYEI GING SOU:
Ninh maiv zeiz mangc yie mingh nyei jauv yaac saauv yie nyei norm-norm zaux-mbiec fai? (Yopv 31:4)
Biaa norm norqc meix maaic duqv i norm dongh zinh hnangv maiv zeiz? Mv baac Tin-Hungh corc maiv la’kuqv yietc norm naaiv deix norqc meix. (Lugaa 12:6)
ZA’EIX TENGX DAUX GAUX:
Ziouv aac, yie a’hneiv yaac buangv hnyouv oix zoux yaac haiz gauh maaih qaqv yiem ziangh maengc weic Ziouv buatc nyungc-nyungc gong yie zoux. Ziouv mangc buatc yietc laamx yiem yie nyei jauv daaix sic ganh dauh mangc maiv buatc, maiv guaax hnyouv taux. Ziouv guaax hnyouv taux baamh mienh zic zinh haic nor Ziouv daic div bun baamh mienh weic yie mbuo nyei zuiz. Weic hnangv naaic, tov Ziouv zoux bun Giduc mienh yie mbuo nzauh nyei guaax hnyouv, laanh liuc leiz laanh maiv zeiz kungx yiem lingh wuonh nyei buonc mv baac yaac yiem seix zaangc nyei buonc. Yie tov daux gaux div bun wuov deix mienh buangh zuqc hnyouv huaang nyei sic, wuov deix mienh gorngv se ninh mbuo maiv zic zinh ndongc haaix, lengc jeiv nyei se wuov deix mienh maaih za’eix oix daic mingh,… tov Ziouv bun ninh mbuo doqc duqv yiemc Ging Sou ih hnoi haih bun ninh mbuo duqv orn hnyouv. Tov Ziouv biux mengh bun ninh mbuo hiuv maiv gunv maiv maaih haaix dauh jangx taux ninh mbuo nor Ziouv zanc-zanc hnamv, mangc jienv yaac guaax hnyouv ninh mbuo yietc buon yietc fuon… haih bun ninh mbuo bangc kaux Ziouv hingh jiex nyaiv weic baamz zuiz, gamh nziex Ziouv guangc weic baamz zuiz, maiv gamv zoux haaix nyungc… haih bun ninh mbuo maaih buonc tengx fu-sux Ziouv, zoux nyungc-nyungc gong Ziouv jiu bun. Laengz zingh Ziouv.
KẾT NỐI VỚI THIÊN ĐÀNG 